Lukas 1:27-38

Reimer 2001

²⁷ no en eentselnet Maeake dee oba aun en Maun fesproake wea - dee Maun heet Joosaf fonn Doft sien Staum, dee Junkfru aea Nome wea Marie.

²⁸ Aus hee ennen kjeem saed hee to aea: "Ekj jrees die, du huajch jeachte; de Herr es met die!"

²⁹ En see wea seeha oppjeraeacht aus see daut head, en wunndad waut daut fa en Gruss mucht senne.

³⁰ En dee Enjel saed to aea: "Engst die nich, Marie! dan du hast bie Gott Jnod jefunge!.

³¹ en, see emol, du woascht met Kjint senne enn dien Muttalief, en woascht en Saen to Welt brinje, en du saust am daem Nome Jesus jaewe!

³² Dee woat groot senne, en woat daem Aulahechsta sien Saen jenant woare, en Gott de Herr woat am sien Foda Doft sien Troon jaewe,

³³ en hee woat eewich aewa daut Jeschlajcht Joakop harsche, en sien Kjeenichrikj woat niemols en Enj ha."

³⁴ En Marie saed to daem Enjel: "Woo saul dit senne, sentamol ekj eentletsich sie?"

³⁵ Dee Enjel auntwuad en saed to aea: "Dee Hielje Jeist woat aewa die kome, en daem Aulahechsta siene Krauft woat aewa die kome so es en Shaute; doaromm uk daut heiljet daut fonn die woat jebuare woare, woat Gottes Saen jenant woare.

³⁶ en kjikj, diene Fewaunte Eliesabet, es nu uk met Kjint en aere oole Doag; en dit es aul daut saste Moonat met aea fonn daea jesajcht wort daut see nich kunn Kjinje ha.

³⁷ Dan met Gott es nusscht ommaeajlich."

³⁸ En Marie saed: "Kjikj! ekj sie daem Herr sien Sklow! mucht daut so paseare aus du jesacht hast." En dee Enjel feleet aea.