Levitik 23:27-31

Haitian Creole Version

²⁷ -Dizyèm jou sètyèm mwa sa a, se gran jou padon an li ye. N'a reyini tout moun pou n' adore Bondye. N'a fè jèn epi n'a fè ofrann pou yo boule nan dife devan Seyè a.

²⁸ Jou sa a, nou p'ap travay menm, paske se gran jou padon an, jou pou nou fè sèvis pou Seyè a, Bondye nou an, pou nou mande l' fè nou gras.

²⁹ Si yon moun mete anyen nan bouch li jou sa a, y'ap wete l' nan mitan pèp li a.

³⁰ Si yon moun travay jou sa a, se mwen menm, Seyè a, k'ap touye l'.

³¹ Nou pa pou fè anyen jou sa a. Sa se regleman pou nou swiv tout tan, de pitit an pitit, kote nou pase.