Yohana 1:1-14

Neno: Bibilia Takatifu

Neno Alifanyika Mwili

1 Hapo mwanzo, kabla ya kuwapo kitu kingine cho chote, aliku wapo Neno. Huyo Neno alikuwa pamoja na Mungu, naye alikuwa Mungu. ² Tangu mwanzo Neno amekuwa na Mungu. ³ Vitu vyote viliumbwa na yeye, wala hakuna cho chote kilichoumbwa ambacho hakukiumba. ⁴ Uzima ulikuwa ndani yake na uzima huo ndio ulikuwa nuru ya watu. ⁵ Nuru hiyo huangaza gizani na giza haliwezi kamwe kuizima.

⁶ Mtu mmoja aitwaye Yohana alitumwa na Mungu ⁷ awaambie watu kuhusu hiyo nuru, ili kwa ushuhuda wake wapate kuamini. ⁸ Yohana mwenyewe hakuwa ile nuru. Yeye alitumwa kuishuhudia hiyo nuru. ⁹ Nuru halisi ambayo inawaangazia watu wote ilikuwa inakuja ulim wenguni. ¹⁰ Neno alikuwepo ulimwenguni, lakini japokuwa aliumba ulimwengu, watu wa ulimwengu hawakumtambua! ¹¹ Alikuja nyumbani kwake, lakini watu wake hawakumpokea! ¹² Bali wote waliompokea na kumwamini aliwapa haki ya kufanywa watoto wa Mungu. ¹³ Hawa hawakuwa watoto wa Mungu kwa kuzaliwa kwa njia ya asili, wala kwa mapenzi au mipango ya watu bali wamezaliwa na Mungu mwenyewe.

¹⁴ Neno akawa mwanadamu akaishi kati yetu akiwa amejaa utu kufu na kweli. Tuliona utukufu wake, utukufu wa Mwana pekee wa Baba.