Jóhannesarguðspjall 16:7-14

Icelandic Bible

⁷ En ég segi yður sannleikann: Það er yður til góðs, að ég fari burt, því ef ég fer ekki, kemur hjálparinn ekki til yðar. En ef ég fer, sendi ég hann til yðar.

⁸ Þegar hann kemur, mun hann sanna heiminum, hvað er synd og réttlæti og dómur, _

⁹ syndin er, að þeir trúðu ekki á mig,

¹⁰ réttlætið, að ég fer til föðurins, og þér sjáið mig ekki lengur,

¹¹ og dómurinn, að höfðingi þessa heims er dæmdur.

¹² Enn hef ég margt að segja yður, en þér getið ekki borið það nú.

¹³ En þegar hann kemur, andi sannleikans, mun hann leiða yður í allan sannleikann. Hann mun ekki mæla af sjálfum sér, heldur mun hann tala það, sem hann heyrir, og kunngjöra yður það, sem koma á.

¹⁴ Hann mun gjöra mig dýrlegan, því af mínu mun hann taka og kunngjöra yður.