Exodus 25:18-22

Biblia Sacra Vulgata

¹⁸ Duos quoque cherubim aureos et productiles facies, ex utraque parte oraculi.

¹⁹ Cherub unus sit in latere uno, et alter in altero.

²⁰ Utrumque latus propitiatorii tegant expandentes alas, et operientes oraculum, respiciantque se mutuo versis vultibus in propitiatorium quo operienda est arca,

²¹ in qua pones testimonium quod dabo tibi.

²² Inde praecipiam, et loquar ad te supra propitiatorium, ac de medio duorum cherubim, qui erunt super arcam testimonii, cuncta quae mandabo per te filiis Israel.