Bréf Páls til Efesusmanna 2:19-22

Icelandic Bible

¹⁹ Þess vegna eruð þér ekki framar gestir og útlendingar, heldur eruð þér samþegnar hinna heilögu og heimamenn Guðs.

²⁰ Þér eruð bygging, sem hefur að grundvelli postulana og spámennina, en Krist Jesú sjálfan að hyrningarsteini.

²¹ Í honum er öll byggingin samantengd og vex svo, að hún verður heilagt musteri í Drottni.

²² Í honum verðið þér líka bústaður handa Guði fyrir anda hans.