Deuteronomium 19:11-13

Biblia Sacra Vulgata

¹¹ Si quis autem, odio habens proximum suum, insidiatus fuerit vitae ejus, surgensque percusserit illum, et mortuus fuerit, fugeritque ad unam de supradictis urbibus,

¹² mittent seniores civitatis illius, et arripient eum de loco effugii, tradentque in manu proximi, cujus sanguis effusus est, et morietur.

¹³ Non miseraberis ejus, et auferes innoxium sanguinem de Israel, ut bene sit tibi.