Matendo Ya Mitume 10:9-16

Neno: Bibilia Takatifu

⁹ Kesho yake, walipokuwa wanaukaribia mji, Petro alipanda juu ghorofani kuomba mnamo saa sita. ¹⁰ Alipokuwa akisali aliona njaa akatamani kupata chakula. Lakini wakati kilipokuwa kinaan daliwa, alisinzia akaota ndoto. ¹¹ Akaona katika ndoto mbingu zimefunguka na kitu kama shuka kubwa ikishushwa kwa ncha zake nne. ¹² Ndani ya ile shuka walikuwemo aina zote za wanyama na nyoka na ndege. ¹³ Kisha sauti ikamwambia Petro, “Inuka, uchinje na ule mnyama ye yote umpendaye kati ya hawa.” ¹⁴ Petro akajibu, “La Bwana! Sijawahi kula cho chote ambacho kimetajwa na sheria zetu za Kiyahudi kuwa ni kichafu.” ¹⁵ Ile sauti ikarudia kusema naye mara ya pili, “Usiite cho chote alichokitakasa Bwana kuwa ni kichafu.” ¹⁶ Hii ilitokea mara tatu, ndipo ile shuka ikarudishwa mbinguni.