Salmo 58

Ang Pulong Sa Dios

³ Ang mga daotan daan nang daotan ug bakakon sukad pa sa ilang pagkatawo.
^4-5 Malala sila sama sa mga bitin.
Sama sila sa kobra nga dili mamati sa honi sa hanas nga salamangkiro.
⁶ O Ginoong Dios, ibtig mga ngipon ug bangkil ang akong mga kaaway nga daw mga liyon.
⁷ Mawala unta sila nga daw tubig nga mihubas.
Ug kon mamana sila, dili unta sila makaigo.
⁸ Mahisama unta sila sa hilàhilà nga nagakatunaw samtang nagakamang,^[a]
o sa bata nga gipanganak nga patay, nga wala gayod makakita ug kahayag.
⁹ Dalia ang paglaglag kanila, bata man o tigulang, mas dali pa kaysa pag-init sa kolon nga gitak-ang sa kalayo.

¹⁰ Malipay ang mga matarong kon makita nila nga gipanimaslan na sa Dios ang mga daotan, ug nagabanaw na ang ilang dugo.
¹¹ Unya moingon ang mga tawo,
“Tinuod gayod nga may ganti alang sa mga matarong,
ug may Dios nga mohukom sa kalibotan.”