Salmo 105:1-15

Ang Pulong Sa Dios

105 Pasalamati ninyo ang Ginoo;
simbaha ninyo siya!
Isugilon ngadto sa mga katawhan ang iyang mga binuhatan.
² Awiti ninyo siya ug mga pagdayeg;
isugilon ang tanang katingalahan niyang mga buhat.
³ Dayega ninyo ang iyang pagkabalaan.^[a]
Paglipay kamong mga nagadangop kaniya.
⁴ Salig kamo sa Ginoo ug sa iyang kusog.
Dangop kamo kanunay kaniya.
^5-6 Kamong mga kaliwat ni Abraham nga alagad sa Dios,
ug mga kaliwat usab ni Jacob nga mga pinili sa Dios,
hinumdomi ninyo ang iyang katingalahang mga buhat, ang iyang mga milagro, ug ang iyang mga paghukom.
⁷ Siya ang Ginoo nga atong Dios,
ug nagahukom siya sa tibuok kalibotan.
⁸ Ginahinumdoman niya kanunay ang iyang kasabotan.
Dili gayod niya pagkalimtan ang iyang saad hangtod sa kahangtoran.
⁹ Kining kasabotan gihimo niya kang Abraham ug gisaad usab niya kang Isaac.
¹⁰ Gilig-on niya kini ngadto kang Jacob, nga gitawag usab ug Israel, ug magpadayon kini hangtod sa kahangtoran.
¹¹ Miingon siya sa matag usa kanila,
“Ihatag ko kaninyo ang yuta sa Canaan ingon nga inyong panulondon.”