ΠΡΟΣ ΦΙΛΗΜΟΝΑ 4-13

SBL Greek New Testament

⁴ Εὐχαριστῶ τῷ θεῷ μου πάντοτε μνείαν σου ποιούμενος ἐπὶ τῶν προσευχῶν μου, ⁵ ἀκούων σου τὴν ἀγάπην καὶ τὴν πίστιν ἣν ἔχεις ^[a]πρὸς τὸν κύριον Ἰησοῦν καὶ εἰς πάντας τοὺς ἁγίους, ⁶ ὅπως ἡ κοινωνία τῆς πίστεώς σου ἐνεργὴς γένηται ἐν ἐπιγνώσει παντὸς ἀγαθοῦ ^[b]τοῦ ἐν ἡμῖν εἰς ^[c]Χριστόν· ^7 [d]χαρὰν γὰρ ^[e]πολλὴν ἔσχον καὶ παράκλησιν ἐπὶ τῇ ἀγάπῃ σου, ὅτι τὰ σπλάγχνα τῶν ἁγίων ἀναπέπαυται διὰ σοῦ, ἀδελφέ.

⁸ Διό, πολλὴν ἐν Χριστῷ παρρησίαν ἔχων ἐπιτάσσειν σοι τὸ ἀνῆκον, ⁹ διὰ τὴν ἀγάπην μᾶλλον παρακαλῶ, τοιοῦτος ὢν ὡς Παῦλος πρεσβύτης νυνὶ δὲ καὶ δέσμιος ^[f]Χριστοῦ Ἰησοῦ— ¹⁰ παρακαλῶ σε περὶ τοῦ ἐμοῦ τέκνου, ὃν ἐγέννησα ἐν τοῖς ^[g]δεσμοῖς Ὀνήσιμον, ¹¹ τόν ποτέ σοι ἄχρηστον νυνὶ ^[h]δὲ σοὶ καὶ ἐμοὶ εὔχρηστον, ¹² ὃν ἀνέπεμψά ^[i]σοι αὐτόν, τοῦτ’ ἔστιν τὰ ἐμὰ σπλάγχνα· ¹³ ὃν ἐγὼ ἐβουλόμην πρὸς ἐμαυτὸν κατέχειν, ἵνα ὑπὲρ σοῦ ^[j]μοι διακονῇ ἐν τοῖς δεσμοῖς τοῦ εὐαγγελίου,