Pahayag 22:14-16

Ang Salita ng Dios (Tagalog Contemporary Bible)

¹⁴ “Mapalad ang naglilinis ng mga damit nila,^[a] dahil papayagan silang makapasok sa lungsod at kumain ng bunga ng punongkahoy na nagbibigay-buhay. ¹⁵ Pero maiiwan sa labas ang masasamang tao,^[b] mga mangkukulam, mga imoral, mga mamamatay-tao, mga sumasamba sa mga dios-diosan, at ang lahat ng nabubuhay sa kasinungalingan.

¹⁶ “Akong si Jesus ang nagsugo sa aking anghel upang sabihin sa iyo ang mga bagay na ito para sa mga iglesya. Galing ako sa angkan ni David at ako rin ang maningning na bituin sa umaga.”