Ahohia bere mu anɔpa mpae

3 O Awurade, nnipa bebree tia me. Nnipa pii pɛ sɛ wɔhaw me. Mewɔ atamfo bebree. ² Bebree no ara ka se Onyankopɔn remmoa me da. ³ Nanso, Awurade, wone me kyɛm, m’anuonyam ne m’anidaso. Wo nko ara na wubetumi apagyaw me ti a masi no ase aniwu mu no.

⁴ Misu mefrɛɛ Awurade, na ɔtee me nka wɔ n’asɔredan a ɛwɔ Yerusalem no mu. ⁵ Metɔ hɔ da, na anadwo no nyinaa, Awurade bɔ me ho ban ma minyan asomdwoe mu.

⁶ Ɛwom sɛ mprempren atamfo ɔpedu atwa me ho ahyia de, nanso minsuro. ⁷ Mesu mafrɛ no se, “Sɔre, O Awurade! Gye me nkwa, o me Nyankopɔn!” Na bobɔ m’atamfo nyinaa abogye. Na bubu nnebɔneyɛfo se.

⁸ Efisɛ, nkwagye fi Onyankopɔn. Na ohyira ne nkurɔfo nyinaa.