Lúkasarguðspjall 17:26-30

Icelandic Bible

²⁶ Eins og var á dögum Nóa, svo mun og verða á dögum Mannssonarins:

²⁷ Menn átu og drukku, kvæntust og giftust allt til þess dags, er Nói gekk í örkina, og flóðið kom og tortímdi öllum.

²⁸ Eins var og á dögum Lots: Menn átu og drukku, keyptu og seldu, gróðursettu og byggðu.

²⁹ En daginn, sem Lot fór úr Sódómu, rigndi eldi og brennisteini af himni og tortímdi öllum.

³⁰ Eins mun verða á þeim degi, er Mannssonurinn opinberast.