Lucas 24:12-14

Ang Salita ng Diyos

¹² Ngunit si Pedro ay tumayo at tumakbo patungo sa libingan. Pagkayukod niya, nakita niya ang mga telang lino na nakalatag nang hiwalay. Umuwi siyang namamangha sa nangyari.

Sa Daan Patungong Emaus

¹³ Narito, dalawa sa kanila ay pumunta nang araw ding iyon sa isang nayon na tinatawag na Emaus. May mahigit sa labing-isang kilometro ang layo nito sa Jerusalem.

¹⁴ Sila ay nag-uusap sa isa’t isa patungkol sa lahat ng mga bagay na ito na nangyari.