Lucas 24:12-14

Ang Salita ng Dios (Tagalog Contemporary Bible)

¹² Ganoon pa man, tumakbo si Pedro at pumunta sa libingan. Pagdating niya roon, sumilip siya sa loob pero wala siyang nakita kundi ang telang linen na ipinambalot sa bangkay. Kaya umuwi siyang nagtataka sa pangyayari.

Ang Nangyari sa Daan na Patungong Emaus^(A)

¹³ Nang araw ding iyon, may dalawang tagasunod si Jesus na naglalakad papuntang Emaus. Ang nayong ito ay mga 11 kilometro ang layo mula sa Jerusalem. ¹⁴ Pinag-uusapan ng dalawa ang mga pangyayaring naganap kamakailan lang.