Genesis 35:18-20

Ang Salita ng Dios (Tagalog Contemporary Bible)

¹⁸ Isinilang ang sanggol pero nasa bingit ng kamatayan si Raquel. Bago siya malagutan ng hininga, pinangalanan niya ang sanggol na Ben Oni.^[a] Pero pinangalanan ni Jacob ang sanggol na Benjamin.^[b]

¹⁹ Namatay si Raquel at inilibing sa tabi ng daan na papunta sa Efrata (na tinatawag ngayong Betlehem). ²⁰ Nilagyan ni Jacob ng bato ang libingan ni Raquel bilang palatandaan, at hanggang ngayon naroon pa rin ang palatandaang ito.