Genesis 35:18-20

Ang Dating Biblia (1905)

¹⁸ At nangyari, nang nalalagot ang kaniyang hininga (sapagka't namatay siya), ay kaniyang pinanganlang Benoni: datapuwa't pinanganlan ng kaniyang ama na Benjamin.

¹⁹ At namatay si Raquel at inilibing sa daang patungo sa Ephrata (na siyang Bethlehem).

²⁰ At nagtayo si Jacob ng isang batong pinakaalaala sa ibabaw ng kaniyang libingan: na siyang batong pinakaalaala ng libingan ni Raquel hanggang ngayon.