ΠΡΑΞΕΙΣ ΤΩΝ ΑΠΟΣΤΟΛΩΝ 15:41-16:12

SBL Greek New Testament

⁴¹ διήρχετο δὲ τὴν Συρίαν καὶ ^[a]τὴν Κιλικίαν ἐπιστηρίζων τὰς ἐκκλησίας.

16 Κατήντησεν δὲ ^[b]καὶ εἰς Δέρβην καὶ ^[c]εἰς Λύστραν. καὶ ἰδοὺ μαθητής τις ἦν ἐκεῖ ὀνόματι Τιμόθεος, υἱὸς ^[d]γυναικὸς Ἰουδαίας πιστῆς, πατρὸς δὲ Ἕλληνος, ² ὃς ἐμαρτυρεῖτο ὑπὸ τῶν ἐν Λύστροις καὶ Ἰκονίῳ ἀδελφῶν· ³ τοῦτον ἠθέλησεν ὁ Παῦλος σὺν αὐτῷ ἐξελθεῖν, καὶ λαβὼν περιέτεμεν αὐτὸν διὰ τοὺς Ἰουδαίους τοὺς ὄντας ἐν τοῖς τόποις ἐκείνοις, ᾔδεισαν γὰρ ἅπαντες ^[e]ὅτι Ἕλλην ὁ πατὴρ αὐτοῦ ὑπῆρχεν. ⁴ ὡς δὲ διεπορεύοντο τὰς πόλεις, ^[f]παρεδίδοσαν αὐτοῖς φυλάσσειν τὰ δόγματα τὰ κεκριμένα ὑπὸ τῶν ἀποστόλων ^[g]καὶ πρεσβυτέρων τῶν ἐν ^[h]Ἱεροσολύμοις. ⁵ αἱ μὲν οὖν ἐκκλησίαι ἐστερεοῦντο τῇ πίστει καὶ ἐπερίσσευον τῷ ἀριθμῷ καθ’ ἡμέραν.

^6 [i]Διῆλθον δὲ τὴν Φρυγίαν ^[j]καὶ Γαλατικὴν χώραν, κωλυθέντες ὑπὸ τοῦ ἁγίου πνεύματος λαλῆσαι τὸν λόγον ἐν τῇ Ἀσίᾳ, ⁷ ἐλθόντες ^[k]δὲ κατὰ τὴν Μυσίαν ἐπείραζον ^[l]εἰς τὴν Βιθυνίαν ^[m]πορευθῆναι καὶ οὐκ εἴασεν αὐτοὺς τὸ πνεῦμα ^[n]Ἰησοῦ· ⁸ παρελθόντες δὲ τὴν Μυσίαν κατέβησαν εἰς Τρῳάδα. ⁹ καὶ ὅραμα ^[o]διὰ νυκτὸς ^[p]τῷ Παύλῳ ὤφθη, ἀνὴρ ^[q]Μακεδών τις ἦν ἑστὼς ^[r]καὶ παρακαλῶν αὐτὸν καὶ λέγων· Διαβὰς εἰς Μακεδονίαν βοήθησον ἡμῖν. ¹⁰ ὡς δὲ τὸ ὅραμα εἶδεν, εὐθέως ἐζητήσαμεν ἐξελθεῖν ^[s]εἰς Μακεδονίαν, συμβιβάζοντες ὅτι προσκέκληται ἡμᾶς ὁ ^[t]θεὸς εὐαγγελίσασθαι αὐτούς.

¹¹ Ἀναχθέντες ^[u]οὖν ^[v]ἀπὸ Τρῳάδος εὐθυδρομήσαμεν εἰς Σαμοθρᾴκην, τῇ ^[w]δὲ ἐπιούσῃ εἰς ^[x]Νέαν Πόλιν, ^12 [y]κἀκεῖθεν εἰς Φιλίππους, ἥτις ἐστὶν ^[z]πρώτη τῆς μερίδος Μακεδονίας πόλις, κολωνία. ἦμεν δὲ ἐν ^[aa]ταύτῃ τῇ πόλει διατρίβοντες ἡμέρας τινάς.