II Corinthios 3:13-16

Biblia Sacra Vulgata

¹³ et non sicut Moyses ponebat velamen super faciem suam, ut non intenderent filii Israel in faciem ejus, quod evacuatur,

¹⁴ sed obtusi sunt sensus eorum. Usque in hodiernum enim diem, idipsum velamen in lectione veteris testamenti manet non revelatum (quoniam in Christo evacuatur),

¹⁵ sed usque in hodiernum diem, cum legitur Moyses, velamen positum est super cor eorum.

¹⁶ Cum autem conversus fuerit ad Dominum, auferetur velamen.