I Corinthios 15:12-20

Biblia Sacra Vulgata

¹² Si autem Christus praedicatur quod resurrexit a mortuis, quomodo quidam dicunt in vobis, quoniam resurrectio mortuorum non est?

¹³ Si autem resurrectio mortuorum non est: neque Christus resurrexit.

¹⁴ Si autem Christus non resurrexit, inanis est ergo praedicatio nostra, inanis est et fides vestra:

¹⁵ invenimur autem et falsi testes Dei: quoniam testimonium diximus adversus Deum quod suscitaverit Christum, quem non suscitavit, si mortui non resurgunt.

¹⁶ Nam si mortui non resurgunt, neque Christus resurrexit.

¹⁷ Quod si Christus non resurrexit, vana est fides vestra: adhuc enim estis in peccatis vestris.

¹⁸ Ergo et qui dormierunt in Christo, perierunt.

¹⁹ Si in hac vita tantum in Christo sperantes sumus, miserabiliores sumus omnibus hominibus.

²⁰ Nunc autem Christus resurrexit a mortuis primitiae dormientium,