Marcus 1:29-34

Biblia Sacra Vulgata

²⁹ Et protinus egredientes de synagoga, venerunt in domum Simonis et Andreae, cum Jacobo et Joanne.

³⁰ Decumbebat autem socrus Simonis febricitans: et statim dicunt ei de illa.

³¹ Et accedens elevavit eam, apprehensa manu ejus: et continuo dimisit eam febris, et ministrabat eis.

³² Vespere autem facto cum occidisset sol, afferebant ad eum omnes male habentes, et daemonia habentes:

³³ et erat omnis civitas congregata ad januam.

³⁴ Et curavit multos, qui vexabantur variis languoribus, et daemonia multa ejiciebat, et non sinebat ea loqui, quoniam sciebant eum.