Deuteronomio 13:1-5
Ang Biblia (1978)
Pagiingat laban sa idolatria.
13 Kung may bumangon sa gitna mo na isang manghuhula, o isang (A)mapanaginipin ng mga panaginip, at (B)kaniyang bigyan ka ng isang tanda o kababalaghan,
2 At (C)ang tanda o ang kababalaghan ay mangyari, na kaniyang pagsalitaan ka, na sabihin, Sumunod tayo sa ibang mga dios, na hindi mo nakikilala, at ating paglingkuran sila;
3 Ay huwag mong didinggin ang mga salita ng manghuhulang yaon, o ng mapanaginiping yaon ng mga panaginip: sapagka't sinusubok (D)kayo ng Panginoon ninyong Dios, upang maalaman kung iniibig ninyo ang Panginoon ninyong Dios ng inyong buong puso at ng inyong buong kaluluwa.
4 (E)Kayo'y lalakad ayon sa Panginoon ninyong Dios, at matatakot sa kaniya, at gaganap ng kaniyang mga utos, at susunod sa kaniyang tinig at maglilingkod sa kaniya at (F)lalakip sa kaniya.
5 At (G)ang manghuhulang yaon o ang mapanaginiping yaon ng mga panaginip, ay papatayin, sapagka't siya'y nagsalita ng panghihimagsik laban sa Panginoon ninyong Dios na naglabas sa inyo sa lupain ng Egipto, at tumubos sa iyo sa bahay ng pagkaalipin, upang iligaw ka sa daan na iniutos sa iyong lakaran mo ng Panginoon mong Dios. (H)Ganito mo aalisin ang kasamaan sa gitna mo.
Read full chapter
Deuteronomio 18:20
Ang Biblia (1978)
Ang bulaang propeta.
20 (A)Nguni't ang propeta (B)na magsasalita ng salitang may pagpapalalo sa aking pangalan, na hindi ko iniutos sa kaniyang salitain (C)o magsasalita sa pangalan ng ibang mga dios, ay papatayin nga ang propetang yaon.
Read full chapter
2 Mga Hari 10:25
Ang Biblia (1978)
25 At nangyari, pagkatapos niyang makapaghandog ng mga handog na susunugin, na sinabi ni Jehu sa (A)bantay at sa mga punong kawal, (B)Kayo'y magsipasok at inyo silang patayin; huwag makalabas ang sinoman. At sinaktan nila sila ng talim ng tabak; at inihagis sila sa labas ng bantay, at ng mga punong kawal, at nagsiparoon sa bayan ng bahay ni Baal.
Read full chapterAng Biblia Copyright © Philippine Bible Society 1905, 1915, 1933, 1978