Revised Common Lectionary (Semicontinuous)

“हलिलूयाह!
उद्धार, महिमा अऊ सामरथ हमर परमेसर के अय^[a],
²     काबरकि ओकर नियाय सच्‍चा अऊ सही अय।
ओह ओ बड़े बेस्या ला दंड दे हवय,
    जऊन ह अपन छिनारीपन ले धरती के मनखेमन ला खराप करत रिहिस।
परमेसर ह ओकर ले अपन सेवकमन के लहू के बदला ले हवय।”

“हलिलूयाह!
ओ बड़े सहर के जरे के धुआं जुग-जुग तक उठत रहिथे।”

“आमीन, हलिलूयाह^[b]!”

“तुमन जम्मो परमेसर के सेवकमन,
    अऊ छोटे बड़े तुमन, जऊन मन ओकर भय मानथव,
हमर परमेसर के परसंसा करव!”

“हलिलूयाह!
काबरकि हमर सर्वसक्तिमान परभू परमेसर ह राज करत हवय।
⁷ आवव! हमन आनंद अऊ खुसी मनावन,
    अऊ परमेसर के महिमा करन।
काबरकि मेढ़ा-पीला के बिहाव के बेरा ह आ गे हवय,
    अऊ ओकर दुल्हिन ह अपन-आप ला तियार कर ले हवय।
⁸ सुघर, चमकत अऊ साफ मलमल के कपड़ा,
ओला पहिरे बर दिये गे हवय।”