Matthaeus 6:31-34

Biblia Sacra Vulgata

³¹ Nolite ergo solliciti esse, dicentes: Quid manducabimus, aut quid bibemus, aut quo operiemur?

³² haec enim omnia gentes inquirunt. Scit enim Pater vester, quia his omnibus indigetis.

³³ Quaerite ergo primum regnum Dei, et justitiam ejus: et haec omnia adjicientur vobis.

³⁴ Nolite ergo solliciti esse in crastinum. Crastinus enim dies sollicitus erit sibi ipsi: sufficit diei malitia sua.