Tuˈj Pabl kye Nimil aj Galacia 1

Mam, Central

Tuˈj Pabl kye Nimil aj Galacia

Jun qˈolbˈil

1 Ayiˈn Pabl jun tsanjil Jesús, ex nya qexjal ma chi jaw skˈoˈn weˈy, ex ma tzˈok qˈoˈn te wokliˈn, qalaˈ a qAjaw Jesucrist, junx tukˈa qMan Dios, axjo jaw anqˈsinte Jesús kyxol kyimnin. ²Nxi ntzˈibˈinjiˈy uˈj luˈn junx kyukˈa txqantl nimil iteˈ wukˈiy tzaluˈn, kye kykyaqil Ttanim Dios iteˈ toj tkyaqil txˈotxˈ Galacia.

³Axit qMan Dios junx tukˈa qAjaw Jesús, tzaj qˈoˈnte t‑xtalbˈil kyibˈaja, tuˈn kymujbˈin te kyibˈa kyxolxa. ⁴Quˈn oˈkx te qAjaw Jesús xi tqˈoˈn tibˈ tuˈn qpaj, tuˈn qklet te tkyaqil il tzaluˈn twutz txˈotxˈ, tzeˈnkux taj qMan Dios. ⁵Tuˈnpetziˈn, nimxit tbˈi qMan jaˈlin ex te jun majx.

Junchˈin Tbˈanil Tqanil kolbˈil

⁶Werman, nim ma chin jaw kaˈylaja kyuˈn, tuˈn jun paqx ma kyij kytzaqpinjiˈy Dios, a txkon kyeˈy tuˈn t‑xtalbˈil Crist. Ex ma txi kynimiˈn juntl tqanil nyakuj tbˈanil kolbˈil. ⁷Twutzxix nya atx juntl tqanil kolbˈil; qalaˈ ikytzin at junjun ma jaw najsinte kynabˈla, quˈn kyaj tuˈn kytxˈixpin teˈ Tbˈanil Tqanil kolbˈil, a aku Crist.

⁸Me kykaˈyinktziˈn, qa at juntl s‑ul qˈmal juntl tqanil kolbˈil, a mikyxi tzeˈnku o bˈaj qqˈmaˈn, kˈwel tzˈaq tjaqˈ tqanbˈil Dios te jun majx, expe qa ayinku weˈ, mo qa jun angelj nyakuj tzaj toj kyaˈj. ⁹O txi nqˈmaˈnjiˈy luˈn, me kxel nqˈmaˈn juntl majla: Qa at juntl s‑ul qˈmal juntl tqanil kolbˈil, a mikyxi tzeˈnku ma txi kykˈmoˈn, kˈwel tzˈaq tjaqˈ tqanbˈil Dios, a kujxix wen, te jun majx. ¹⁰¿Me tin quˈn waja tuˈn tkubˈ ntzˈibˈinjiˈy luˈn? ¿Ma tuˈnpela kyyolin xjal bˈaˈn wiˈja? ¡Mina! Qalaˈ a wajiˈy tuˈn ttzalaj Dios wiˈja. Quˈn noqit noq tuˈn nnimsin wibˈa kywutzxjal, mitla xi ntziyiˈn tuˈn woka te taqˈnil Crist.

Tej tyolin Pabl te kolbˈil tibˈ

¹¹Erman, waja tuˈn kybˈintiˈy jaˈ ntzaje Tbˈanil Tqanil kolbˈil, a nyoliˈn: Nya noq toj kynabˈlxjal, ¹²quˈn nya noq jun tyol xjal, ex nya noq el nxnaqˈtziˈn kyiˈjxjal, qalaˈ aku Jesucrist tzaj qˈonte weˈy.

¹³Me ola chin ok kybˈiˈn chˈin, tej intintaqa kyxol aj Judiy ojtxe. Nim in qˈojliˈy tiˈj tkyaqil Ttanim Dios, ex nim ok tilil wuˈn tuˈn tkubˈ yuchˈj. ¹⁴Ex bˈiˈn kyuˈn, qa toj kynimbˈil aj Judiy, nimxtaq otaq tzˈel nnikyˈa te, kywutzjo txqantl nxjalila, ayeˈ junxtaq qabˈqˈiˈy kyukˈa. Quˈn ayiˈn nimxtaq ipbˈil intinkiˈy tuˈn tjapin bˈajjo jniˈ tumil kyij qˈoˈn kyuˈn qtzan nxjalila ojtxe.

¹⁵Me ax te Dios xjaw skˈoˈn weˈy; teˈ naˈmxtaq witzˈjiˈy, ex noq tuˈn t‑xtalbˈil wiˈja, ma chin tzaj ttxkoˈn, a tzeˈnkuxjo taj. ¹⁶Ex ma taqˈ, tuˈn tel nnikyˈa te Tkˈwal, ex tuˈn t‑xi nqˈmaˈn Tbˈanil Tqanil kolbˈil kye tkyaqil xjal. Tej ttzaj tqˈoˈn wokliˈn anetziˈn, mix ja in xtaˈjiˈy qanil jun tumil kyexjal. ¹⁷Ex mix in xtaˈjiˈy Jerusalén qanil jun tumil kyeˈ txqantl, ayeˈ otaq chi ok te tsanjil Jesús. Qalaˈ liweyx in xiˈy toj txˈotxˈ te Arabia, ex tbˈajlinxiˈ ikyjo, in xiˈy toj tnam Damasco. ¹⁸Tbˈajlinxiˈ oxe abˈqˈe, in xiˈy Jerusalén tuˈn tok wojtzqintiˈy Pegr; in teˈn jweˈlajaj qˈij tukˈa. ¹⁹Ex mix aˈl juntl tsanjil Jesús nliˈy, oˈkx Santyaw, a titzˈin qAjaw.

²⁰Kxel nqˈmaˈnjiˈy luˈn twutz qMan Dios: Tkyaqiljo ma txi ntzˈibˈiˈn kyeˈy, twutzxix. ²¹Tbˈajlinxiˈ ikyjo, in xiˈy tojjo txˈotxˈ te Siria ex Cilicia. ²²Ex tkyaqil nimil kyojjo Ttanim Crist, a iteˈ toj txˈotxˈ Judey, naˈmtaq wok kyojtzqiˈn. ²³Noq tqaniltaq at wiˈja kyxol nimil antza: Atzaj Pabl nqˈojletaq qiˈj, ex nimtaq taj tuˈn qel xitj; me atzin jaˈlin, lu nyolin tiˈjjo Tbˈanil Tqanil kolbˈil, chi chiˈ. ²⁴Ex noq tuˈn ikyjo, nimx jaw kynimsin tbˈi qMan Dios.

Galatians 1

New International Version

1 Paul, an apostle^(A)—sent not from men nor by a man,^(B) but by Jesus Christ^(C) and God the Father,^(D) who raised him from the dead^(E)— ²and all the brothers and sisters^[a] with me,^(F)

To the churches in Galatia:^(G)

³Grace and peace to you from God our Father and the Lord Jesus Christ,^(H) ⁴who gave himself for our sins^(I) to rescue us from the present evil age,^(J) according to the will of our God and Father,^(K) ⁵to whom be glory for ever and ever. Amen.^(L)

No Other Gospel

⁶I am astonished that you are so quickly deserting the one who called^(M) you to live in the grace of Christ and are turning to a different gospel^(N)— ⁷which is really no gospel at all. Evidently some people are throwing you into confusion^(O) and are trying to pervert^(P) the gospel of Christ. ⁸But even if we or an angel from heaven should preach a gospel other than the one we preached to you,^(Q) let them be under God’s curse!^(R) ⁹As we have already said, so now I say again: If anybody is preaching to you a gospel other than what you accepted,^(S) let them be under God’s curse!

¹⁰Am I now trying to win the approval of human beings, or of God? Or am I trying to please people?^(T) If I were still trying to please people, I would not be a servant of Christ.

Paul Called by God

¹¹I want you to know, brothers and sisters,^(U) that the gospel I preached^(V) is not of human origin. ¹²I did not receive it from any man,^(W) nor was I taught it; rather, I received it by revelation^(X) from Jesus Christ.^(Y)

¹³For you have heard of my previous way of life in Judaism,^(Z) how intensely I persecuted the church of God^(AA) and tried to destroy it.^(AB) ¹⁴I was advancing in Judaism beyond many of my own age among my people and was extremely zealous^(AC) for the traditions of my fathers.^(AD) ¹⁵But when God, who set me apart from my mother’s womb^(AE) and called me^(AF) by his grace, was pleased ¹⁶to reveal his Son in me so that I might preach him among the Gentiles,^(AG) my immediate response was not to consult any human being.^(AH) ¹⁷I did not go up to Jerusalem to see those who were apostles before I was, but I went into Arabia. Later I returned to Damascus.^(AI)

¹⁸Then after three years,^(AJ) I went up to Jerusalem^(AK) to get acquainted with Cephas^[b] and stayed with him fifteen days. ¹⁹I saw none of the other apostles—only James,^(AL) the Lord’s brother. ²⁰I assure you before God^(AM) that what I am writing you is no lie.^(AN)

²¹Then I went to Syria^(AO) and Cilicia.^(AP) ²²I was personally unknown to the churches of Judea^(AQ) that are in Christ.^(AR) ²³They only heard the report: “The man who formerly persecuted us is now preaching the faith^(AS) he once tried to destroy.”^(AT) ²⁴And they praised God^(AU) because of me.

Footnotes

Galatians 1:2 The Greek word for brothers and sisters (adelphoi) refers here to believers, both men and women, as part of God’s family; also in verse 11; and in 3:15; 4:12, 28, 31; 5:11, 13; 6:1, 18.
Galatians 1:18 That is, Peter

Mam, Central (MVC)

New International Version (NIV)

Tuˈj Pabl kye Nimil aj Galacia 1

Mam, Central