Taneshtilis 15

Ne Bibliaj Tik Nawat

Ne tanawatianimet kikushiniat ne wajwajkal

15 Wan nikitak tik ne ilwikak ukse pal muishmati sujsul wey pal tishpuyawit: chikume tanawatiani, ne kipiatuyat chikume kukulis, wan yejemet ne tijtipan chikume ika inwan tamik ne ikwalan ne Teut.

² Wan nikitak ken se weyat ken vidrioj malijtuk iwan tit. Wan ne welitiwit mas que ne tekwani wan ne itachialis wan ne tapual ipal ne itukay nemituyat ejkatuk ijpak ne weyat ipal vidrioj, wan kipiatuyat iguijguitarraj ne Teut ³ wan takwikat ne itakwikalis Moshe ne itekitini ne Teut wan ne itakwikalis ne ichkakunetzin, inat:

⁵ Wan tipan nitachishki wan tapuik ne teupantzin ipal ne tawipanti ipal ne yektaketzalis tik ne ilwikak, ⁶ wan kisket tik ne teupantzin ne chikume tanawatiani ne kipiat ne chikume kukulis, tajtakentijtuk iwan kwajkwachti ijistak chijchipawak, wan cijcinchoj ipal teukwit kiyawaluat ne iejelpan. ⁷ Wan se ipal ne nawi tay yujyultuk kinmakak ne chikume tanawatiani chikume wajkal tejtentuk iwan ikwalan ne Teut yultuk pal senpa wan senpa, ⁸ wan ne teupantzin temik iwan ne itzitzinakalis wey ne Teut wan ne itajpal, wan te aka welik kalaki ijtik ne teupantzin hasta tamiket ne chikume inkukulis ne chikume tanawatiani.