A A A A A
Bible Book List

Salmo 15Ang Pulong Sang Dios (HLGN)

Ang Gusto sang Dios sa Iya mga Manugsimba[a]

15 Ginoo, sin-o bala ang puwede nga makatiner[b] sa imo templo?

Sin-o bala ang puwede nga makapabilin[c] sa imo balaan[d] nga bukid?
Ang sabat sang Ginoo, “Ang tawo nga nagakabuhi nga wala sing kasawayan kag nagahimo sing matarong.
Nagahambal siya sing matuod kag sinsero.
Wala siya nagabutang-butang sa iban,
kag wala siya nagahimo ukon nagahambal sing malain sa iya isigkatawo.
Ginapakawalay pulos niya ang mga tawo nga akon ginasikway
pero ginapadunggan niya ang mga nagatahod sa akon.
Ginatuman gid niya ang iya promisa bisan ano kabudlay para sa iya.
Nagapautang siya nga wala sing saka,
kag wala siya nagabaton sang lagay agod magsaksi batok sa wala sing sala.”

Ang tawo nga nagahimo sini mangin malig-on ang iya kahimtangan hasta san-o.

Footnotes:

  1. Salmo 15:1 Salmo 15 Ang titulo sa Hebreo: Ang kanta nga ginsulat ni David.
  2. Salmo 15:1 1a makatiner: ukon, makaestar.
  3. Salmo 15:1 1b makapabilin: ukon, makapuyo.
  4. Salmo 15:1 1c balaan: ukon, pinili.
Ang Pulong Sang Dios (HLGN)

Hiligaynon Bible (Ang Pulong Sang Dios) Copyright © 1996, 2006 by Biblica, Inc.® Used by permission. All rights reserved worldwide.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes