Salmo 120

Ang Salita ng Dios (Tagalog Contemporary Bible)

² Panginoon, iligtas nʼyo ako sa mga mandaraya at sinungaling.

³ Kayong mga sinungaling, ano kaya ang ipaparusa ng Dios sa inyo?
⁴ Parurusahan niya kayo sa pamamagitan ng matatalim na pana ng mga kawal at nagliliyab na baga.
⁵ Nakakaawa ako dahil naninirahan akong kasama ng mga taong kasinsama ng mga taga-Meshec at mga taga-Kedar.
⁶ Matagal na rin akong naninirahang kasama ng mga walang hilig sa kapayapaan.
⁷ Ang nais koʼy kapayapaan, ngunit kapag akoʼy nagsalita tungkol sa kapayapaan, ang gusto nilaʼy digmaan.