A A A A A
Bible Book List

Psalmi 100 Biblia Sacra Vulgata (VULGATE)

100 Psalmus ipsi David. Misericordiam et judicium cantabo tibi, Domine; psallam,

et intelligam in via immaculata: quando venies ad me? Perambulabam in innocentia cordis mei, in medio domus meae.

Non proponebam ante oculos meos rem injustam; facientes praevaricationes odivi; non adhaesit mihi

cor pravum; declinantem a me malignum non cognoscebam.

Detrahentem secreto proximo suo, hunc persequebar: superbo oculo, et insatiabili corde, cum hoc non edebam.

Oculi mei ad fideles terrae, ut sedeant mecum; ambulans in via immaculata, hic mihi ministrabat.

Non habitabit in medio domus meae qui facit superbiam; qui loquitur iniqua non direxit in conspectu oculorum meorum.

In matutino interficiebam omnes peccatores terrae, ut disperderem de civitate Domini omnes operantes iniquitatem.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes