Nnwom 128

Nkwa Asem

Osetie ho akatua

128 Nhyira nka wɔn a wotie Awurade na wodi n’ahyɛde so.

² W’adwuma na ɛbɛma wo nea ehia wo; wo ho bɛtɔ wo, na woadi yiye. ³ Wo yere bɛyɛ sɛ bobe a ɛwɔ wo fi na ɛsow bebree; na wo mma nso ayɛ sɛ dua a atwa wo pon ho ahyia.

⁴ Saa na wobehyira onipa a odi Awurade asɛm so no.

⁵ Awurade nhyira wo mfi Sion! Wubehu Yerusalem nkɔso wo nkwa nna mu! ⁶ Wobɛtena ase ahu wo nenanom! Asomdwoe nka Israel.