Nnwom 112

Nkwa Asem

Onipa pa ahotɔ

112 Kamfo Awurade! Nhyira nka nea odi Awurade ni, na ɔde anigye di ne mmara so.

² Onipa pa mma benya tumi wɔ asase no so; wobehyira n’asefo. ³ N’abusuafo bɛyɛ adefo na wobedi yiye daa nyinaa. ⁴ Hann pue esum mu ma nnipa pa, wɔn a wɔyɛ ahummɔbɔ, atimmɔbɔ na wɔyɛ nokwafo no. ⁵ Nhyira nka obi a ne tirim yɛ mmerɛw wɔ bosea a ɔbɔ ho na ɔyɛ n’adwuma nokware mu. ⁶ Onipa pa ho nka mu da; wɔbɛkae no daa. Ne gyidi mu yɛ den na ɔde ne ho to Awurade so. ⁷ Ɔte asɛmmɔne a, ɛmmɔ no hu; ne gyidi mu yɛ den na ɔde ne ho to Awurade so. ⁸ Biribiara nhaw no na onsuro. Onim pefee sɛ obedi n’atamfo so nkonim. ⁹ Ne nsam yɛ mmerɛw wɔ ahiafo so na n’ayamye to ntwa da. Obenya tumi na wɔadi no ni. ¹⁰ Amumɔyɛfo hu eyi na wɔn bo fuw; wɔhwɛ no ɔtan so na wɔyera. Wɔn anidaso yera kora kora.