A A A A A
Bible Book List

FILIPENSES 2Mam de Todos Santos Chuchumatán (MVJ)

O cub tmanse tiib Cristo, juˈ tzunj o jaw nimsaˈnxin

Key hermano, katzen wermanakey, il tiˈj tuˈn tcyiwset ncˈuˈja cyuˈna, bix ka n‑oc wakˈa cyey, bix ka il tiˈj tuj cywitza tuˈn at kmojbabl kiib tuˈn Espíritu Santo, bix ka cyaja tzaj cykˈukˈbaˈna ncˈuˈja, chin cybiˈxix chˈina tiˈj ja nyola cxeˈl nkbaˈna. Ka ma cybiy, nimxsen chin tzalajel cyiˈja. Junx qˈuelela cynaabla, bix junxxit tzˈoc takˈ cyuyey cyey, bix junxxit cycˈojlan cyiiba, bix junxxit cybey, bix mojlxit cyakˈmala. Cykˈoncja cyxqˈueybila, bix miˈn chi jaw cyocsabla cyiiba tuj cyakˈmala. Mas baˈn chi yutˈeqˈuey. Miˈn txiˈ cykbaˈna ka mas nintzajkey cywitz xjal, sino mas baˈn jaca juun cyey cwel bisente tiˈj cykilca xjal mas il tiˈj cywitza. Jaca juun cyey miˈn chi jyon nuk te cyey jun baˈn, sino tuyax te juntl cyuyey.

Ja tzunja e tbincha Cristo Jesús. Amale jat xinj xjal Scyˈoˈn tuˈn Dios te cawel tibaj cykilca, pero iyˈx qˈuixcˈaj tuˈnxin nuk kiˈjcˈa. Bix cwel kbisen tiˈj alcyej baˈn te juntl xjal tisen e cub tbisen Cristo Jesús cyiˈ xjal. Amale Dioset‑xin, pero min e tzyun xinj toclenxin te cawel tisen Dios. Bix e cyaj ttzakpiˈn xinj toclenxin cawelxin tuj cyaˈj, tuˈntzen tocxin te xjal tzalu twitz txˈotxˈ. Ulxin twitz txˈotxˈ, yaaˈn te cawelxin, sino te ajbelelxin. Bix yaaˈn nuk ocxin te xjal, sino tuyax ocxin te cyiikˈbil xjal. Nim el cyiiqˈuen xjal jaxin, hasta tejxe tcub cybyoˈn xjal jaxin twitz cruz tisen jun byol xjal. E tcuyaxin jlu tuˈntzen tnimantexin ti e tajbe Dios. Juˈ tzunj o jaw tiiˈn Dios jaxin tuˈn tocxin te mas jawnex bix tibaj cykilca, bix o tzˈoc tkˈoˈn Dios jun tbixin mas jawnex twitz cykilca biybaj, cuma jaxin taaw tibaj cykilca. 10 Tzul jun kˈij oj cykil xjal cwel maje twitz Jesús, kej eteˈ tuj cyaˈj, kej eteˈ twitz txˈotxˈ, bix kej eteˈ tjakˈxe txˈotxˈ. 11 Tuj tzunj kˈij tzul, entera ke xjal qˈuelel cyniyˈ tiˈj ja Jesucristo taaw cykilca. Ojtzen cykilca xjal ckbalte juˈwa, njawtzen cynimsaˈn xjal tbi Kman Dios.

Ejooˈ ocslal juˈ koˈ tisen ke cheˈw nchi txaken tuj klolj

12 Juˈ tzunj, key hermano, tisen Jesús e cub tbisenxin cyiˈ xjal mas twitzj texin, jax juˈx cyey il tiˈj cxeˈl cyiiˈna ti tten tuˈnxin. Amatzenle mintn‑al kena cyxola jaˈlewe, pero cybima nyola. Cykˈoˈnctzen cyipena tuˈn tcub cybinchaˈna jbaˈn te cyej cabtl cyuyey mas twitzj cyey, tuˈntzen cycyaja tuj tumel. 13 Jatzen Dios nakˈanan tuj cyanema, tuˈntzen cyaja jtaj Dios, bix ntzaj tkˈoˈnxin cyipemala tuˈn cybinchantey alcyej tajxin. 14 Miˈn chi labta bix miˈn chi kˈojla, 15 tuˈntzen kej xjal yaaˈn ocslal baˈn cyyol cyiˈja, bix tuˈntzen sakxixkey twitz Dios, cuma ejeeˈy t‑xjal Dios. Ka nchi binchana kaˈ tisen kej xjal yaaˈn ocslal, yaaˈntzen tumelkey te yecˈbil cywitzj xjal yaaˈn ocslal. Ejeeˈ tzunkey tisen ke cheˈw nchi txaken tuj klolj. 16 Tisen jun luz n‑el txaken tuj klolj, juˈtzen japenina ke cyey ka kˈiˈnxix jun tumel cyuˈna, tuˈntzen cyocslante xjal tyol Dios. Ka nbint cyuˈna juˈwa, chin tzalajel cyiˈja oj tul meltzˈaj Cristo cyeyˈlte waakˈena o bint wuˈna cyxola. Pero ka yaaˈn eteˈy tuj tumel, at nchˈixewa cyiˈja twitz Cristo, cuma minxtiiˈ otk tzˈeˈla waakˈena. 17 Cuma in oneya tej cyocslana tiˈ Jesús, kape chin cwel byet naja tiˈj. Katzen ma tzˈajben ncyamecya tuˈn ttzket cyocslabla, tuˈn cykil ncˈuˈja tuˈn ncyima. 18 Lu ken nchin tzalaj cyiˈja, bix juˈx cyey chi tzalajela wiˈja.

Timoteo bix Epafrodito

19 Key hermano, ka ma takˈ Kaaw Jesús, pon nchkˈoˈn Timoteo cyuyey, tuˈntzen tul meltzˈaj tuya cypocbala tiiˈn eteˈy, tuˈntzen tcyiwset ncˈuˈja cyiˈja. 20 Cxeˈl nchkˈoˈn Timoteo, cuma n‑oc cyakˈa te tisex inayena. Min‑al juntl tzalu ncub tbisen jbaˈn te cyey tisej keya. 21 Cykil ke ocslal tzalu nuk oˈcx n‑oc takˈ cye tiˈ cyitzˈjel. Min nchi jyon tiˈj alcyej taj Cristo Jesús. 22 Pero te Timoteo yaaˈn juˈ tisen ejeeˈ. Cytzkiˈntla tiiˈn tzˈakˈananxin. Amale atet ti il nbaj, min o cyaj tkˈoˈnxin taakˈenxin. O tzˈakˈananxin wuyena tuj taakˈen Dios te kbalte tpocbal coˈpbil ke tisen jun cwal najben te tman. 23 Mintiiˈ tumel ti pjel wiˈj. Pero ojtzen nbinte ti pjel wiˈja, cxeˈl nsmaˈna Timoteo cyuyey. Cutz̈it nbinte naj ti pjel wiˈj. 24 Pero ka ma takˈ Kaaw, inayentzen chin pon cyuyey.

25 Pero amale mat pon Timoteo mas yaj, tuj nwitza il tiˈj tuˈn tpon nchkˈoˈna Epafrodito cyuyey jaˈlecˈa naja. Chjonte cyey ma tzaj cychkˈoˈna ja Epafrodito te kˈolte jun onbil weya cyuˈna. Baˈn o tzˈajbenxin we te yolel cyiˈja te onlte weya tzalu tuj taakˈen Kaaw Jesús, bix o tziyˈx qˈuixcˈaj tuˈnxin wuyena. 26 E yebt‑xin tzalu, bix jacˈa o pon tumel cyuyey. Juˈ tzunj najkelenxin. Bix juˈx nipax tcˈuˈjxin cyiˈja. Juˈtzen waja tzˈaj nchkˈoˈn xina cyuyey. 27 Jaxte nim e yebt‑xin. Jacˈa chˈixcˈa min e baj texin. Pero Dios e tzaj kˈonte lastim texin, bix e tkˈana Dios jaxin, bix itzˈjxin. Nuket e cyimxin, masxetzele bis oc weya. Juˈ tzunj tej ttzaj tkˈoˈn Dios lastim texin, tuyaxa te weya.

28 Juˈ tzunj, tuˈntzen cytzalaja oj toc cycyeˈna jaxin bix baˈntlxin, tuya cykil ncˈuˈja pon nchkˈoˈnxin cyuyey. Ojtzen nchi tzalaja tiˈjxin, bix oj t‑xiˈ nbiˈna, jax juˈx weya tzalu tuj tzeeˈ ya miˈn chin biseltla cyiˈja oj t‑xiˈ nbiˈna min chi bisena wiˈja. 29 Ojtzen tponxin cyxola, cykˈimxin tuya cykil cycˈuˈja bix tujxix tumel, bix nuket at chˈin cynaabla twitzxin, cuma jaxin jun t‑akˈanal Kaaw, 30 bix cuma ajbenxin tuj taakˈen Cristo chˈix mi eˈla twiˈxin tiˈj. Ejeeˈy min onenkey wiˈja cuma nakch eteˈy, pero te cyxela o tzˈonen Epafrodito wiˈja tzalu, bix o tziyˈx qˈuixcˈaj tuˈnxin tuˈnj e bint tuˈnxin tuj taakˈen Cristo.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes