A A A A A
Bible Book List

EFESIOS 2Mam de Todos Santos Chuchumatán (MVJ)

Ma ko clet tuˈn t‑xtalbil Dios kibaj

Key hermano, nejl cyimne eteˈy. Amale iˈtzet cyxumlala, cyimne eteˈy, cuma e tenkey tuj cyila. Nejl kaˈ e cybinchay, tisen nbint cyuˈn kej xjal lepch nuk tiˈ tnaabl te twitz txˈotxˈ. Bix e cynimey taaw il, jaj taaw il ncawen cyibaj biman eteˈ kibajxe min chicˈaj, jaxj taaw il nakˈanan tuj cyanem kej xjal min txiˈ cyniman tyol Dios. Juˈ e tema cykil koˈ nejl. E tena koˈ cyxolj xjal yaaˈn ocslal. Nuk e xiˈ lpe koˈ tiˈj nuk tikˈch taj kxumlal bix tiˈj nuk tikˈch kaˈ e cub kbisen. Juˈ tzunj e tzaaˈ nim tkˈoj Dios kibaj, tisen jaˈlewe ntzaj tkˈoj Dios cyibaj kej xjal min cyocsla Dios. Nim n‑oc tkˈoˈntlxin lastim ke, cuma nim n‑oc kakˈ texin. Nejl cyimne koˈ tuˈn kil. Pero tuˈnj kmojbabl kiib tuya Cristo, o tzaj tkˈoˈn Dios ke jaxj chunkˈlal e tzaj tkˈoˈnxin te Cristo tej tjatz titzˈjsaˈnxin tuj cyamecy. Tuˈn tzunj t‑xtalbil Dios kibaj, ma ko cleta. At mas tipemal Cristo Jesús tuˈn tcawen tibaj cykilca, bix tuˈn kmojbabl kiib tuyaxin, nko cawen junx tuyaxin, tuˈn kcaman tiˈj taaw il. Ejeeˈ tzunj lu kkˈinemal o tzaj tkˈoˈnxin te ke, ejooˈ at kmojbabl kiib tuya Cristo Jesús. Bix tuˈn tzunj kkˈinemal tuˈn Dios te ke, ejooˈ t‑xjalxin, cxeˈl tyeecˈan Dios te cykil xjal cyuj kej tyem chi ul, nimxsen jun t‑xtalbilxin te ke, ejooˈ ocslal, tuˈntzen tchicˈajax tkˈakˈbil tcˈuˈjxin kiˈj. Tuˈn t‑xtalbil Dios kibaj, bix cuma o tzˈoc ke kcˈuˈj tiˈ Tcwalxin, o ko clet tuj il. Yaaˈn kuˈnx ma ko cleta, sino ja coˈpbil ke jun kcotz tuˈn Dios. Yaaˈn tuˈn ti jilel baˈn nbint kuˈn ko cletel, sino tuˈnj coˈpbil ke o takˈ Dios, tuˈntzen min‑al jun ke baˈn tuˈn tjaw tniman tiib tiˈj twitz Dios. 10 O ko clet nuk tuˈnj t‑xtalbil Dios o tzaj tkˈoˈn ke. Tuˈnj kmojbabl kiib tuya Cristo Jesús o ko oc te t‑xjal Dios, tuˈntzen tbint jun baˈn kuˈn. Tiˈj tzunja e tbinchaˈ Dios ejooˈ jatxe tuj tneel.

At ttxubt xjal kxol jaj tcyimlen Cristo twitz cruz

11 Juˈ tzunj, key hermano, cynaˈmcˈa yaaˈn ejeeˈy t‑xjal Dios nejl, cuma yaaˈn aj Israelkey. Ncub cybisen aj Israel jaˈlewe nuk ejeeˈ t‑xjal Dios, cuma at jun techel n‑oc cykˈoˈn tiˈ cyxumlal. Ejeeˈ tzin cykbaˈn juntl wik xjal yaaˈn te Dioskey, cuma mintiiˈ techel n‑oc tiˈ cyxumlala. Pero n‑oc cykˈoˈn techel cyiˈj nuk tuˈn cyex cykˈab. 12 Nejl tiˈjxe xjal te Israel eteˈy. Mintiiˈ cymojbabl cyiiba tuya Cristo, bix mintiiˈ tumel cyuyey tiˈj cykilcaj otk tkba Dios tuˈn tkˈonte. E tenkey twitz txˈotxˈ min‑al jaxxix Dios cyuyey, bix min ayonkey tiˈj jun coˈpbil cyey. 13 Pero jaˈlewe at cymojbabl cyiiba tuya Cristo Jesús. Amale nakchet eteˈy tiˈ Dios nejl, pero jaˈlewe, tuˈnj tcyimlen Cristo, at cyoclena tuya Dios. 14 Nejl at jun kˈoj cyxol xjal judío bix kej xjal yaaˈn judío. Ja kˈoj lu tisen jun tapya tcuˈx cyxol cycaˈbel wikan. Pero jaˈlewe ejeeˈy yaaˈn judío bix ejooˈ judío mintiiˈ kˈoj tcuˈx kxol. Cykilca koˈ at kmojbabl kiib tuya Cristo, bix juˈ tzunj junx wik xjal koˈ. 15 Jtapya tcuˈx cyxol cycaˈbel wikan xjal nejl, jatzen leyj e cyaj tkˈoˈn Dios te cye judío nejl nimcˈa iken tuˈn. Pero tej tcyim Cristo twitz cruz, biˈx el tiiˈn tipemal jcyley judío te paˈlte cye xjal, tuˈntzen cyoc cykil xjal te junx t‑xjal Dios. Juˈtzen e cwaˈ tkˈoˈn Cristo ttxubtxjal t‑xol cycaˈbel wikan. 16 Tuˈntzen tcyimlen Cristo twitz cruz, ejooˈ judío bix ejeeˈy yaaˈn judío o ko oc te junx cloj xjal. Cykiltzen koˈ baˈn kten tuj ttz̈yal tuya Kman Dios. Tuˈn tcyimlen Cristo e cymaˈ kˈoj cyxol judío bix kej yaaˈn judío. 17 Tej tul Cristo twitz txˈotxˈ, bixsen e tkbaxin tpocbalj ttxubtxjal cye cykilca xjal. E tkˈumexin cyey, ejeeˈy yaaˈn judío min otk cyiikˈa ley te Dios, bix e tkˈumexin te cye judío otk cyiikˈ ley te Dios bix oc cybiˈn jaca kˈij. 18 Judíole koˈ, bix yaaˈnle judío koˈ, tuˈn Cristo baˈn tuˈn kocx cykilca koˈ twitz Dios. Bix tuˈn junx Espíritu Santo at koclen tuˈn kocx twitz Dios.

19 Entonces, key hermano yaaˈn judío, nejl yaaˈn ejeeˈy t‑xjal Dios. Pero yaaˈntl tiˈjxe eteˈy te t‑xjal Dios, sino t‑xjal Dios key kuyena. Ya junx elninakey tuya Dios. 20 Ejooˈ t‑xjal Dios tisen jun jaaˈ. Ke cyxnakˈtzbil ke tyolel Dios bix ke t‑xel Jesús o cyaj cykˈoˈn ke, ejeeˈ tzunja tisen tkˈukˈlel jaaˈ. Bix Cristo Jesús tisentzen xcbil te tipemal, 21 tuˈntzen cyiw jaaˈ, tuˈntzen miˈn tzˈel xitj niyˈ ttxˈotxˈel. Tisentzen jun jaaˈ tlichon tiib tuya xcbil bix juˈtzen nbinne jun jaaˈ, juˈxsen kewa ejooˈ ocslal tuya Cristo. Tuˈnj kmojbabl kiib tuya Cristo, junx elnina t‑xjal Dios koˈ, tuˈntzen kajben te Dios te sakxix t‑xjal. 22 Bix cyuyaxa, tuˈnj cymojbabl cyiiba tuya Cristo, bix t‑xjaltltzen Dios ejeeˈy, bix attzen Espíritu Santo cyuyey.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes