A A A A A
Bible Book List

APOCALIPSIS 10Mam de Todos Santos Chuchumatán (MVJ)

Juntl jawnex tsanjel Dios tocx jun chˈin uˈj tuj tkˈab

10  Bix e wila juntl jawnex tsanjel Dios tuj cyaˈj. Nimxsen tipemal, bix e cuˈtz tuj cyaˈj tuj muj. Bix tjax arc tuj twiˈ, bix ntxakakan twitz tisen tken kˈij. Jatzen ke tken tisen tken kˈakˈ. Tuj tkˈab at jun chˈin uˈj. Jkoˈn uˈj. Bix e cub tkˈoˈn tken te tmankˈab tibaj mar, bix tken te tneẍ e cub tkˈoˈn tibaj twitz txˈotxˈ. Bix cyiwxsen e jaw ts̈iˈn, tisen oj njaw ts̈iˈn jun león. Tej tjaw ts̈iˈn, e kˈajt kej wuuk kˈancyok. Tej cybaj kˈajt kej wuuk kˈancyok, at tuˈn tcub ntzˈiˈbena j‑otk txiˈ cykbaˈn wuuk kˈancyok. Pero e xiˈ nbiˈna jun tkˈajkˈajel tuj cyaˈj e tzaj tkbaˈn weya:

―Eˈwencja jma cykba wuuk kˈancyok. Miˈn cub ttzˈiˈbena―tz̈i jun weya.

Bix j‑ángel e wila waˈlcˈa tibaj mar bix tibaj twitz txˈotxˈ, e jaw tkˈoˈn tmankˈab twitz cyaˈj, bix e cywix tyol tuˈnj tjurament tiˈ Dios iˈtz te junx maj, Jdios e binchante twitz cyaˈj bix twitz txˈotxˈ bix mar tuyax cykilcaj at cyuj. Bix e tkˈume ángel:

―Mlay tuˈn tweˈtl jkˈij tuˈn tjapan baj jma cub tnincˈuˈn Dios. Oj toc t‑xuxen twuukan ángel xux, at tuˈn tchicˈajax jma cub tnincˈuˈn Dios jatxe tuj tneel, tisen e tkˈume cye tyolel―tz̈i jawnex tsanjel Dios tuj cyaˈj.

Bix juntl maj e xiˈ nbiˈna tkˈajkˈajel tuj cyaˈj. E tzaj tkbaˈn weya:

―Cu txiˈy, bix qˈueletz tiiˈna j‑uˈj tjkoˈn taˈ tuj tkˈab j‑ángel waˈlcˈa tibaj mar bix tibaj twitz txˈotxˈ―tz̈itzen weya.

Juˈ tzunj, in pon lkˈeya tiˈj ángel, bix e xiˈ nkanena te tuˈn ttzaj tkˈoˈn jneeˈ chˈin uˈj weya. Bix e tzaj tkbaˈn ángel weya:

―Kˈiiˈnxa, bix waaˈnxa. Cˈa cˈoquel tuj tcˈuˈja, pero jatzen tuj ttziy, tisen taˈl xiiˈ―tz̈i ángel.

10 Bix e tzaj wiiˈna jneeˈ chˈin uˈj tuj tkˈab ángel, bix e xiˈ nwaaˈna. Bix tz̈iˈ eˈla uˈja tuj ntziya tisen taˈl xiiˈ. Pero tej tcuˈx tuj ncˈuˈja, e jawxsen qˈueybe tuj ncˈuˈja. 11 Bix e tzaj tkbaˈn weya:

―At mastl tuˈn t‑xiˈ tkˈumena cye nim wik xjal bix tnom bix yol bix cawel―tz̈i ángel weya.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes