A A A A A
Bible Book List

2 TIMOTEO 4Mam de Todos Santos Chuchumatán (MVJ)

Tej t‑xiˈ tcyiwsaˈn Pablo tnaabl Timoteo tiˈj alcye tuˈn tbint tuˈn

Timoteo, twitz Dios bix twitz Jesús cxeˈlxix wokxenan tey tuˈn t‑xiˈ tkbaˈna tyol Dios cye xjal, cuma laˈ alcye jun kˈij tzul meltzˈaj Jesús, Scyˈoˈn tuˈn Dios, te cawel tibaj cyil jxjal iˈtzx bixsen te cawel tibaj cyil cykilj xjal chi jawetz itzˈj, bix ccawelxin tibaj twitz txˈotxˈ. Juˈ tzunj, ka cyaj xjal cybi bix ka min, pero tey binne ttena te kbalx tyol Dios, cuma Dios cˈoquel cyeˈyente tey tiiˈna tuj tyolxin. Kˈoˈnc tipena tiˈj tuˈn tcub tcˈuˈj xjal ka kaˈ ncub tbinche, bix cxeˈl tkbaˈna tuˈn tcyaj il cyuˈn, bix cxeˈl tkbaˈna cye ti cwel bint cyuˈn, bix nimx tcˈuˈja oj t‑xiˈ tkbaˈna.

Cpomel jun kˈij mlay tziyˈxtl jbaˈn xnakˈtzaˈna cyuˈn xjal. Cxeˈl cyjyoˈntl cyxnakˈtzal te xnakˈtzaleccye tiˈj alcyej cye cyaj tzˈoc cybiˈn, cuma mintzentiiˈ cˈoquel tbinchen cye xjal tuj cywitz. Nuk cˈaaltz cykˈoˈntl tzalcyiˈj twitzj jax tyol Dios, bix cxeˈl cybiˈn tikˈch nicˈbil yolel. Perotzen tey, cˈuˈm alcyej tbey, qˈuiyax tchyonel tuˈna, nuk xnakˈtzanx cyxol xjal ti tten tpocbalj coˈpbil tuˈn Jesús, bix cuyamxix alcyej taakˈena.

Yal weya, ma pon tumel tuˈn nbyeta nuk tiˈjcˈa Jesús. Ya ma tzul canan tumel ncyamecya. Yaltzen te wajbelela te Jesús, bajx cyjaˈ ncyeˈyen wexin, ox tzˈoc nbiˈn wexin tuj tyolxin, bix ox chin weˈwe twitz tyolxin. Juˈ tzunj, te tzunj kˈij oj takˈ jxin Kaaw cyeyˈlx tumel, cwiikˈelwe jun nin ncotz texin, cuma jaxin cyeyˈlx tumel tujxix tumel cyibaj xjal. Bix yaaˈn nuk wecˈawe ctzaala tkˈoˈn texin, sino tuyaxe te cykilj xjal n‑oc takˈ cye tuˈn tul meltzˈajxin juntl maj.

E tkba Pablo te Timoteo alcye tuˈn tbint tuˈn

Nuksama, Timoteo, tzˈoc tilel tuˈna tuˈn tul naja cyeyˈl we, 10 cuma ma chin cyaj cyeˈyena tuˈnj xin Demas tuˈn tikˈch jilelj te twitz txˈotxˈa, bix ma txiˈxin tuj tnom te Tesalónica. Yal tej xin Crescente, o txiˈxin tuj ttxˈotxˈ Galacia. Yal tej xin Tito, juˈ ma txiˈtlxin tuj ttxˈotxˈ Dalmacia. 11 Cyxoltzen wuyena tzalu, nukxix jacˈatl Lucas at wuyena.

Kˈintztzen Marcos tuyey oj ttzaja, cuma at cˈajbela we.

12 Yal jxin Tíquico, min‑al tzalu, cuma o txiˈ nchkˈoˈnxin tuyey tuj tnom Efeso.

13 Oj ttzaja, naˈmcˈa tuˈn ttzaj tiiˈna ja ncapa e cyaj nkˈoˈna tja Carpo tuj tnom te Troas, cyuyaxj libro, bix ejeeˈxixj tzˈuˈn tzˈiˈben cywitz, ejeeˈxix xsunja mas il cyiˈj.

14 Yal te Alejandro, jxin txnol xcbil, nimxse tkaˈyel ma tzˈoc tbinchexin wiˈj. Diostzele cˈoquel kˈonte t‑xel texin tisenx tikˈch ma tzˈoc tbinchexin wiˈj. 15 Juˈx tey, cˈojlam tiiba twitzxin, cuma mayˈxse tzˈoc meltzˈajxin kˈojlel tiˈ kxnakˈatz.

16 Tej npona tneel maj te stisel twitz cawel, min‑al juntl oc clonte we. Cykilca ke ocslal wuya e cyaj cyeˈyente we. Pero cutz̈it ka min s‑oc tkˈoˈn Dios te tajlal cyil. 17 Pero te Kman Dios e ten wexin wuya, bix e tzaj tkˈoˈn wexin wipemal, tuˈntzen tbint nkbanteya tpocbal tyol Dios te coˈpbil, tuˈntzen toc cybiˈntl nim xjal te jun wikxitl tnom tocx tuj stisbil, tuˈntzen toc cybiˈn jxjal yaaˈn judío mintiiˈ tumel Dios cyuya. Juˈtzen in cleta tuj tkˈab cawel, tisencˈa in cleta tuj ttzi jun balen, tuˈn Dios. 18 Yal jaˈlewe Dios qˈuelel kˈinte naj we tuj tkaˈyel te junx maj, bix chin aal tiiˈnxin tuj cyaˈj jaaˈ ncawenaxin. ¡Nimaxit tbi Dios te junx maj! ¡Juˈ ttzuna!

Jun kˈolbebl tuˈn Pablo te mancˈbil yol

19 Kˈonxa jun kˈolbebl tej xuj Prisca bix te tchmilxuj Aquila bixse cye te tja Onesíforo. 20 Yal tej xin Erasto, ma cyajxin tuj tnom te Corinto, bixse Trófimo ma cyajxin tuj tnom te Mileto, cuma yaabxin. 21 Bix tzˈoc tilel tuˈna tuˈn tul canana te mintknaˈx tul tyem te nim cykˈiˈk tibaj mar. Ma txiˈ jun kˈolbebl tey cyuˈnj xjal lu: Eubulo, Pudente, Lino, bixse Claudia, bix cabtl ocslal.

22 Tenxittzen Kaaw Jesús tuyey, bix nukxittzen tzaj tkˈoˈn Kman Dios t‑xtalbil tibaj cykilcakey ocslal. Oˈcx xsunj.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes