A A A A A
Bible Book List

2 TESALONICENSES 2Mam de Todos Santos Chuchumatán (MVJ)

Jun jawnex xjal binchal il

Key ocslal, cxeˈl kcubsaˈna kwitza cyey tuˈn miˈn baj cycˈuˈja tiˈj tuˈn tul meltzˈaj Kaaw Jesucristo twitz txˈotxˈ bix tiˈj jkˈij tuˈn kchmet tuyaxin. Miˈn chi labta bix miˈn chi jaw seyˈpaja tiˈj cyyol kej xjal tzin cykbaˈn ma pon jkˈij tuˈn tul Kaaw te xkelte te cykil xjal. Tzin cykbaˈn ma cyiikˈ ja tyol Dios lu tuˈn jun kuˈja bix ka tuˈn Espíritu Santo, pero yaaˈn juˈwa. Miˈn chi jaw tzˈaka tuj ja tzpetpajlenel lu. Ktzkiˈn minaˈx tul jkˈij tuˈn tul meltzˈaj Cristo, cuma mlay tzul meltzˈajxin nejl twitzj oj cykˈojl chˈixcˈa yaaˈn cykil xjal tiˈj tley Dios. Bix jax il tiˈj ctyeecˈa tiib jxjal cawel qˈuelel t‑xooˈn tley Dios te junx maj, jaj xjal cwel t‑xita cykilca. Ja xjal lu qˈuelel tiiˈn cykil sant, bix cˈoquel te cyxel sant, tuˈntzen cycub maje cykil xjal twitzxin. Cˈoquelxin tuˈn tcawenxin tibaj cykilca, hasta tuˈn tocxxin tuj jjawnex templo te Dios tuˈn toc tkˈon tiibxin tisencˈa Diosxin. ¿Mimpa naˈn cyuˈna e xiˈ nkbaˈna ja xnakˈtzbil lu cyey tej ntena cyxola? Cytzkiˈna alj ncub twaˈban jaxin jaˈlewe, tuˈn miˈn chicˈajaxxin nuk oˈcx oj tpon tumel. Minaˈx tkˈonte Dios tuˈn tyecˈjxin, pero c‑yecˈjelxin, bix ya ma tzyet tuˈn taaw il tuˈn takˈanan tuj ewjel tuˈn cykˈojl cykil xjal tiˈ Cristo. Pero at jun nmakonte te taaw il jaˈlewe. Mlay takˈ tipemal te ja xjal at tuˈn tkˈojl tiˈ Cristo tuˈn tcawen, bix ja xjal lu mlay tzˈoc te cawel jaˈlewe. Pero oj tel kˈiˈn jmakolte, c‑yecˈjeltzen jcawel ckˈojl tiˈ tley Dios. Bix cwel tbyoˈn Kaaw nuk tuˈnj t‑xew n‑etz tuj ttzi. Cxitjel tuˈn tipemalxin oj tulxin. Jatzen cawelja ckˈojlel tiˈ tley Dios, junx tnaablxin bix tbinchbenxin tuya taaw il. Cxeˈl tyeecˈanxin nimxsen tipemalxin bix jawnex techlal tuˈn cykleeˈ xjal tiˈjxin, pero tuˈn cysbuj xjal tuˈnxin. 10 Tuˈnj tbinchbenxin yaaˈn baˈn cwel tsbuˈnxin ke xjal. Kej xjal at tuˈn cyxiˈ tuj castiwa, chi cwel tuj ẍtakˈbil cuma min e cyajbe jjaxxix yol, tuˈntzen cyclet. 11 Cuma cycyˈixin jax yol, juˈ tzunj chi xeˈl ttzokpiˈn Dios tuˈn cyyajlaj, bix cxeˈl cyocslaˈnxin jẍtakˈbil ctkbaˈ jcawel binchal il. 12 Bix juˈ tzunj, cwel tkˈoˈn Dios cycastiwaxin, cuma el cyxooˈnxin jaxxix yol, bix nuk e tzalajkexin tiˈj yaaˈn baˈn.

Ma ko jaw scyˈet tuˈn Dios tuˈn kclet

13 Perotzen cyey, ejeeˈy n‑oc cyakˈa te Kaaw, yaaˈn juˈkey. Il tiˈj bix tumel tuˈn t‑xiˈ kkˈoˈna chjonte te Dios cyiˈja jaca kˈij, cuma jatxe tuj tneel ma chi jaw scyˈoˈna tuˈn Dios tuˈn cycleta tuˈnj ttxjet cyanema tuˈn Espíritu Santo bix tuˈnj cyocslabla tiˈj jaxxix yol. 14 E pon kiiˈna jyol tiˈj colbil cyey cyuyey cuma e tajbe Dios tuˈn tkˈoj cyey jun cyoclena junx tuya Kaaw Jesucristo.

15 Juˈ tzunj, key ocslal, chi weˈbilxixa tuj cyocslabla, bix cytzyumxa jxnakˈtzbil e xiˈ kkˈumena cyey bix e xiˈ ktzˈiˈbena cyey. 16 Tzajxit tkˈoˈn Kaaw Jesucristo bix Kman Dios tuˈn miˈn chi yuccha tuj cyocslabla. Ma tzˈoc kakˈ texin, bix tuˈn t‑xtalbilxin ma tzaj tkˈoˈnxin ke, mintiiˈ tuˈn ttzaj ttz̈i kiˈj ti pjel, bix baˈn kayon tiˈj jun acˈaj kchunkˈlal te junx maj. 17 Tcywixxit cycˈuˈja tuˈnxin tuˈn tbint baˈn cyuˈna tiˈj cykilca nkbaj cyuˈna bix nbint cyuˈna.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes