A A A A A
Bible Book List

2 Korinto 4Ne Bibliaj Tik Nawat (NBTN)

Yajika, tikpiat ini tekitilis ika techpalewijtiwit, wan te tikutiat, sute tinatiwit ka te tiawit tikinayat tatka nian tishpinawat, nian tiawit timuwikat iwan tajtajpewal nian teshijshikulis ipanpa tay ne ipalabraj ne Teut; tiawit tikneshtiat ne tejkia wan ijkiuni muchi yawit kimatit ka tiyejyek tik itachialis ne Teut.

Wan su mutzaktuk ne tuyeknawatilis, mutzaktuk ijtik ne puliwit, ika ne Teut ipal ini taltikpak kichijtuk ka pupuyut ne intamatilis ne te tayulmatit, pal kiane te yawi kintawilua ne itawilyu ipal ne yeknawatilis ipal ne Mawaltijtuk tzitzinaka, ká ne itachialis ne Teut.

Ika te titanajnawatiat ka tumaku sute ka imaku Yeshu Mawaltijtuk tutajtzin, wan tejemet tianmutejtekitini itech Yeshu. Ika ne Teut ijtik takumi inak ma tatawi wan tatawij tik tuyujyulu pal kitawilua ne itaishmatilis ne Teut tik iishkalyu Yeshu Mawaltijtuk.

Tikpiat ini chalchiwit ijtik kajkashit ipal sukit, pal kiane muita ka ne itajpal sujsul wey ipal ne Teut wan tesu tupal. Melka tik muchi timupitziniat, tesu tijiumikit; melka te tikmatit tay tikchiwaskiat, tesu tishpuyawit; techtalultiat, wan tesu timuajkawat; techtamimat, wan tesu tiwilewit. 10 Senpa tiksajsakat tik tuweyka ne tamiktilis ipal Yeshu pal nusan ne Yeshu yultuk muneshtia tik tuweyka, 11 ika senpa tejemet ne yujyultuk timutemakat pal timikit ipanpa Yeshu, pal ne Yeshu yultuk muneshtia tik ne tunakayu ne miki, 12 wan kiane ne mikilis tekiti ijtik tejemet, wan ne nemilis ijtik anmejemet.

13 Tikpiat ini tayulmatilis ken ne tay mujkwilujtuk:

    "Nitayulmatki, neka nitanutzki."

Tejemet nusan titayulmatit; neka titanutzat. 14 Tikmatit ka ne ká kiyulkwepki ne tajtzin Yeshu nusan yawi techyulkwepa iwan Yeshu, wan techtalis anmuwan. 15 Ika muchi ka anmumaku, pal kiane yawi tepewi ne tetasujtalis ika miak inat panpadiush pal inat ka wey ne Teut.

16 Neka te tikutiat, ika melka kwalu ne tuweyka, ne ká tikpiat kalijtik yankwikisa mujmusta; 17 ika ini tukimil ajkatik ne ashan tikpiat nemi pal ma tikpiakan se tukimil sujsul etek ipal wey tzitzinakalis ne yawi naka pal senpa; 18 ika te titachiat pal tikitat tay ne muita sute tay ne te muita; ika tay ne muita panu, tay ne te muita naka pal senpa.

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes