A A A A A
Bible Book List

2 CORINTIOS 10Mam de Todos Santos Chuchumatán (MVJ)

Jtoclen apóstol Pablo

10  Jaˈlewe inayena, Pablo, cxeˈl ncubsaˈna nwitza cyey tuˈn t‑xiˈ cynimana nyola, bix miˈn tzˈoc cybiˈna cyyol ke ẍtakˈ t‑akˈanal Dios. Cxeˈl ncubsaˈna nwitza cyey tuya jun nnaabla maans, tisenx te Cristo maansxin. Tzin cykbaˈn jẍtakˈ t‑akˈanal Dios oj nchin tena cyxola at cytz̈iy wiˈja tuˈn t‑xiˈ nkbaˈna cyey o chi binchana il, bix tzin cykbaˈn nuk oˈcx oj nchin tena nakch cyiˈja nxiˈ nkˈoˈna nyola tuya ilbil cyiˈja. Chin cubsal nwitza cyey tuˈn t‑xiˈ cynimana nyola bix tuˈn tel cyxooˈna cyyol kej ẍtakˈ, tuˈntzen mintiiˈ il tiˈj tuˈn cyoc wilena oj npona cyxola, cuma jax wuˈna at wipemala tuˈn cyoc wilena. Tzin cykbaˈn kej ẍtakˈ nchin akˈanana tuj taakˈen Dios nuk tuya tnaabl te twitz txˈotxˈ, tz̈ike. Jax cyuˈn nuk jun xjal kena, pero min chin kˈojla cyiˈj xjal nchi kˈojl tiˈ Dios tuya wexa wilbela tiˈj, tisen nbint cyuˈn xjal te twitz txˈotxˈ. Mlay chin xcyeya cyiˈke aj kˈoj tiˈ Dios tuˈn wexa wipemala, pero tuya tipemal Dios kˈoˈn weya nchin xcyeya cyiˈj, amale nimet cyipemal at. Nchin kˈojla tiˈ cynaabl jxjal jawnex cynaabl tuj cywitz bix nchi iyˈ tibaj tyol Dios. N‑oc wipena tiˈ kaˈ cynaabl xjal, tuˈntzen taajtz tiˈ cynaabl, tuˈntzen cyoc tjakˈ tcawbil Cristo. Bix ojtzen tel cyxooˈna cyyol kej ẍtakˈ t‑akˈanal Dios min cybi nyola, tisen e xiˈ nkbaˈna cyey tuˈn tel cyxooˈna, inayen tzuna chin kˈolte cycastiwa kej ocslal min e cybi.

Cˈoquel cycˈuˈja tiˈj tiiˈn cynaabl kej ẍtakˈ t‑akˈanal Dios. Tuj cywitz jawnexke tuj taakˈen Cristo, pero nuket tzˈel cyniyˈ tiˈj yaaˈn ajnintz kena cywitz tuj taakˈen Cristo. Bix yaaˈn nuk oˈcx nchin akˈanana tuj taakˈen Cristo, sino tuyax at woclena tuˈn ncawena cyibaja, yaaˈn tuˈn cyxiˈy tuj il, sino tuˈn wonena cyiˈja tuˈn cycywixa tuj cyocslabla. Kane cxeˈl nkˈumena cyey o takˈ Kaaw woclena cyibaja, mintiiˈtzele nchˈixewa tiˈj, cuma yaaˈntetle ẍtakˈbil nyola. At juun tzin cykbaˈn ka nuk tuˈn wuˈja nchin ila cyiˈja tuˈn ttzaj ttz̈i cyiˈja. Pero miˈntzen tziyˈ tuj cycˈuˈja nxiˈ nkbaˈna at woclena cyibaja nuk oˈcx ka nakch ntiina cyiˈja. 10 Kej ẍtakˈ t‑akˈanal Dios cyxola tzin cykbaˈn cyjulu: “Oj ntzaj tsmaˈn Pablo uˈj keya, cyiwxsen tyol bix nimxse tipemal. Pero oj n‑ulxin kxol, mintiiˈxix tzin tyeecˈanxin ka at nim tipemalxin, bix min tzˈajben tyolxin,” tz̈ike juˈwa. 11 Pero il tiˈj qˈuelel cyniˈya tiˈj oj npona cyxola, tuya nim wipemala baˈn nyolena cyiˈja, tisenxj tuya nim wipemala nxiˈ ntzˈiˈbena cyey.

12 Weya ncyˈiya bint jaj tisenj nbint cyuˈnj ẍtakˈ t‑akˈanal Dios. Tzin cykbaˈn ka ejeeˈ mas jawnex akˈanal te Cristo, bix nchi mlon nuk cyex cynaabl, bix baˈn n‑eˈla tuj cywitz. Tzin cykbaˈn jcye cynaabl mas jawnex twitz cynaabl juntl wik. Pero oj nchi oc ten mlol cynaabl juˈwa, telniyˈtzen ka min tzˈel cyniyˈ tiˈj. 13 Yaltzen weya, min njaw nniman wiiba tuˈn wexa nnaabla tisenj cye nbint cyuˈn. Chin yolelwa nuk tiˈj akˈuntl o tzaj tkˈoˈn Dios weya tuˈn tbint wuˈna. Yal tzunj waakˈena o tzaj tkˈoˈn Dios weya, tuyaxa tuˈn wakˈanana cyxola tuj Corinto. 14 Mlay chin iˈya tibaj akˈuntl o tzaj tkˈoˈn Dios weya. Nuket min e tzaj tkˈoˈn Dios weya tuˈn wakˈanana cyxola, mintzeletiiˈ woclena tiˈj tuˈn npona te akˈanal cyxola. Inayena tneel t‑akˈanal Dios tuˈn npona maa Corinto te kbalte tpocbal Cristo cyey. 15 Min in ocxa tuj takˈmal juntl t‑akˈanal Dios. Ncyˈiwa tuˈn npon akˈanal jaaˈ eteˈtl t‑akˈanal Dios, sino nuk oˈcx nchin ayona tuˈn cycywixa tuj cyocslabla, tuˈntzen ntzakpeta cyxola tuˈn nxiˈya cyuj jun wikxitl lugar o takˈ Dios weya 16 te kbalte jbaˈn tpocbal Jesús cyuj juntl tnom jaaˈ min‑al jun xjal o kˈumen tpocbalxin. Ka nchin akˈanana jaaˈ min‑ala t‑akˈanal Dios, mintzen o chin ocxa tuj takˈmal juntl tuˈn tel wiiˈna toclen. 17 Cykˈoˈnc cycˈuˈja tiˈj ti toc tuˈn tyol Dios cyiˈj xjal n‑oc cyniman cyiib: “Jun xjal mintiiˈ tuˈn tjaw tnimsan tiib, sino oˈcx kyoˈ oj tkbante Kaaw ka baˈn ma bint kuˈn,” tz̈i tyol Dios. 18 Baˈnte jun xjal, yaaˈn tuˈnj jax nkbante, sino ka baˈn tuj twitz Kaaw.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes