A A A A A
Bible Book List

1 Korinto 8Ne Bibliaj Tik Nawat (NBTN)

Ne tay mutakulijtuk ne teujteutzitzin

Tay tinat ipanpa ne tay mutakulijtuk ne teujteutzitzin?

Tikmatit ka muchi tikpiat tamatilis. Ne tamatilis techishpitza; ne tetasujtalis techketza. Su se ina ka kimati se, teuk kimati ken muneki kimati. Su se kitasujta ne Teut, ne Teut kishmati yajane.

Tay tinat ipanpa ne takwal ne mutakulijtuk ne teujteutzitzin?

Tikmatit ka nujme te kanaj teutzin nian Teut sute sesan, melka nemit sejse ne muilwiat teujteutzitzin, anka tik ilwikak, anka ijpak tal, ken nemit miak teutzin wan miak tajtzin, pero tupal sanse Teut, ne teteku ne itech kistuk muchi, wan tejemet ijtik yaja; wan nusan sanse tajtzin, ne Mawaltijtuk Yeshu, ká muchi ipal, wan tejemet ipanpa.

Pero te nemi ne tamatilis ijtik muchi. Sejse ká kiyulmatit katka ne teutzin, hasta ashan kenhayuk kikwat ken se tay mutakulijtuk se teutzin, wan ken chikitik ne itamatilis, yaja mususulwia. Ne takwal te techtzinkishtia itech ne Teut: nian wey tupatiw su titakwat, nian chiupi tupatiw su te titakwat. Melka uni, shiktalikan cuidadoj iwan uni anmutatuktilis ma te yawi mukwepa se kan mukshichaluat ne melemet, 10 ika su se metzita taja ká tikpia tamatilis kan timutalia titakwa tik ne iteupan, ken yaja kimati chiupi, anka yawi ina ka yaja nusan yawi kikwa ne tay mutakulijtuk ne teutzin, 11 wan wilewi ne mele ipanpa ne mutamatilis, ne tuiknew ká ne Mawaltijtuk mikik ka imaku!

12 Ijkiuni, ankichiwiliat tay teyek ne tukniwan wan ankitasat ne intamatilis ika yejemet melemet; su ankichiwat ijkiuni, antateyekchiwat iwan ne Mawaltijtuk. 13 Yajika, su se takwal kichiwa ka wetzi nuiknew, te keman niaw nikwa nakat pal te nikchiwa ka wetzi nuiknew.

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes