A A A A A
Bible Book List

1 JUAN 1Mam de Todos Santos Chuchumatán (MVJ)

Tneel uˈj e xiˈ ttzˈiˈben apóstol Juan

Jun Yol Iˈtz Kˈolte Kchunkˈlal te Junx Maj

Nxiˈ ntzˈiˈbena cyey tiˈj Cristo, Yol Iˈtz Kˈolte Kchunkˈlal te Junx Maj. Tej mitknaˈx tbint twitz cyaˈj bix twitz txˈotxˈ, ya attl. O kbiˈna jaxin, ejooˈya t‑xelxin, bix o kila tuˈn tbakˈ kwitza. O tzˈoc kcyeˈyena, bix o tzˈoc kmocoˈna tuˈn kkˈaba. E tzaj tyeecˈan jun chunkˈlal tzin tkˈoˈn Dios, bix oc kcyeˈyena. Jaxxix kuˈna. Bix keya kaakˈen tuˈn t‑xiˈ kkˈumente cyey ti tten kchunkˈlal ntzaj tkˈoˈn Dios te junx maj. E ten jxjal kˈilte kchunkˈlal tuya Kman Dios, bix e tzaj tyeecˈan te keya ti tten tnaabl Dios. Bix j‑o kila bix j‑o kbiya, ja tzunja nxiˈ kkˈumena te cyey, tuˈntzen jax juˈx cyey tenxit cymojbabl cyiiba tuya Kˈolte cychunkˈlala, tisen keya at kmojbabl kiiba. Tzin nkbaˈna at kmojbabl kiib tuya Kman Dios bix tuya Tcwalxin, Jesucristo. Nxiˈ ntzˈiˈbena kej yol lu tuˈn cytzalaja kuyena.

Ja te Kman Dios jun spiˈyen

Jatzen yolja e kbiya te Jesucristo bix nxiˈ kkˈumena te cyey, cyjulu: Ja te Dios spiˈyen, bix mintiiˈ chˈin klolj at tuya. Ka nxiˈ kkbaˈn at kmojbabl kiib tuya Dios pero ka nko bet tuj klolj, nko ẍtakˈentzen, bix min nkoˈx lpe tiˈj yol jaxxix. Pero ka nko bet tuj spiˈyen, tisen te Dios at tuj spiˈyen, attzen kmojbabl kiib kxolx, bix txjoˈn koˈ tiˈ cykilca kil tuˈn tcyamecy Jesucristo, Tcwal Dios.

Katzen nxiˈ kkbaˈn mintiiˈ kil, ncub ksbun kiib, cuma min nxiˈ kocslaˈn yol jaxxix tiˈj ti kten. Pero ka nxiˈ kkbaˈn kil twitz Dios, cnajseteltzen kil tuˈnxin, bix qˈuelel ttxjoˈnxin kanem tiˈ cykilca il, cuma cbinel jma cyaj tkbaˈnxin, bix at toclen tuˈn tcub tnajsaˈnxin kil, cuma ma cyim Tcwalxin tuˈn tchjet kil. 10 Pero ka nxiˈ kkbaˈn min nko binchan il, nxiˈ kkbaˈn ka ẍtakˈ Dios, bix min nxiˈ kocslaˈn yol tiˈj ti kten.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes