A A A A A
Bible Book List

स्रेस्ठगीत 6Awadhi Bible: Easy-to-Read Version (ERV-AWA)

यरूसलेम क बिटियन क ओहसे कहब

मेहररुअन मँ सबसे सुन्दर मेहरारू,
    बतावा तोहार प्रियतम कहाँ चला गवा?
कउने राह स तोहार प्रियतम चला गवा ह
    हमका बतावा ताकि हम तोहरे साथ ओका हेरि सकी।

यरूसलेम क बिटियन क ओकर जवाब

मोर प्रिय आपन बंगिया मँ चला गवा,
    मसालन क खेत मँ
आपन भेड़ी चरावइ बरे
    अउर लिलियन क बटोरइ बरे।
मइँ आपन प्रियतम स हउँ अउर उ मोर प्रियतम मोसे अहइ।
    उ लिलियन क बीच भेड़ चरावा करत ह।

मनसेधू क बचन मेहरारू बरे

मोर प्रियतम, तू तिरसा क नाईं सुन्नर अहा।
    तू यरूसलेम मँ एक अद्भुत क नाई अहा।
    तू ऍतना अजूबा अहा जइसे कउनो फउज झण्डा क संग चलत ह।
तू मोह पइ स आपन आँखिन हटाइ ल्या,
    उ मोका उत्तेजित करत अहइँ।
तोहार केस ऍतना लम्बा अउ लहरत अहइँ
    जइसे गिलाद क पहाड़ी क ढलान स बोकरियन क झुण्ड उछरत भवा उतरत आवत होइ।
तोहार दाँत एक भेड़न झुण्ड जइसे अहइँ
    जउन धोइके निकर आई;
हरेक भेड़ जुड़ौवा बच्चन रखत हीं;
    ओन मँ स कउनो एक ठू भी गाएब नाहीं होत हीं।
घँूघट क नीचे तोहार गाल
    अनार क दुइ ठू फाँकन क तरह अहइँ।

होइ सकत ह हुआँ साठ रानियन,
    अस्सी रखैलन
    अउर अनगिनत जवान वुँवरियन होइँ,
विंन्तु हुवाँ ओकरे जइसा कउनो नाहीं अहइ!
    उ आपन महतारी क एक खास बिटिया अहइ,
उ ओनमाँ बहोत प्रिय अहइ
    जउन ओका जनम दिहेस ह।
वुँवरियन ओका लखेन अउ ओका सराहेन।
    हाँ, रानियन अउ सबइ रखैलन भी ओकर तारीफ किहे रहिन।

मेहररूअन क जरिये ओकर तारीफ

10 उ पचे कहेस: “उ कउन अहइ
    जउन बढ़त भवा उसा क समान अहइ?
उ कउन अहइ जउन चाँद क नाईं सुन्नर अहइ?
    उ कउन अहइ जउन सूर्य क नाईं चमकत अहइ?
उ कउन अहइ जउन फउज जइसा अजूबा अहइ
    जउन झण्डा लइ जात अहइ?”

मेहरारू क बचन

11 मइँ अख़रोट क बगीचा स होत भवा
    इ देखइ बरे गवा कि
का अंगूर क बेलन खिला अहइ
    अउर का अनार क कलियन खिली अहइँ या नाहीं।
12 मोर राजकुमार, मइँ खुसी स भरि गवा
    जब तू मोका गन्धरस दिहे रहा। [a]

यरूसलेम क बिटियन ओकरे बरे बोलत ह

13 हे “परिपूर्ण” मोर तरफ लउटि आवा!
    मोर तरफ आवा, मोर तरफ आवा, ताकि हम तोहका लखि सकी!

काहे अइसे सुलेम्मिन क घूरति अहा
    जइसे उ महनैम क नाच क नर्तकी होइ?

Footnotes:

  1. स्रेस्ठगीत 6:12 पद 12 या “मइँ आपन क बारे मँ नाहीं जानतउँ जब तू मोका सज्जन मनुस्य क रथन दिहस।
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes