स्तोत्रसंहिता 55

Marathi Bible: Easy-to-Read Version

⁸ मी पळून जाईन, मी माझी सुटका करेन.
    मी संकटांच्या वादळापासून दूर पळून जाईन.
⁹ प्रभु त्यांचा खोटेपणा बंद कर. ^[a]
    या शहरात मला खूप हिंसा आणि भांडणे दिसत आहेत.
¹⁰ माझ्या भोवती संकटे आहेत.
    दिवस रात्र आणि शहराच्या सर्व भागात संकटे आहेत
    या शहरात महाभयंकर घटना घडत आहेत.
¹¹ रस्त्यावर बरेच गुन्हे घडत आहेत.
    लोक सर्वत्र खोटे बोलत आहेत आणि फसवणूक करत आहेत.

¹² जर शत्रूंनीच माझा अपमान केला
    तर मी तो सहन करु शकेन.
जर शत्रूंनीच माझ्यावर हल्ला केला
    तर मी लपू शकेन.
¹³ परंतु मला संकटात टाकणारा तू आहेस माझा मित्र,
    माझा साथी, माझा दोस्त.
¹⁴ आपण आपली गुपिंतं एकमेकांना सांगितली
    आपण देवाच्या मंदिरात बरोबर प्रार्थना केली.

¹⁵ माझे शत्रू त्यांची वेळ यायच्या आधीच मरावेत अशी माझी इच्छा आहे,
    जिवंतपणीच त्यांचे दफन व्हावे असे मला वाटते.
का? कारण ते त्यांच्या घरात भयंकर गोष्टी करण्याच्या योजना आखतात.

¹⁶ मी देवाला मदतीसाठी हाक मारीन
    आणि परमेश्वर माझे रक्षण करील.
¹⁷ मी देवाशी सकाळी, दुपारी आणि संध्याकाळी बोलतो.
    मी देवाला माझ्या तक्रारी सांगतो आणि तो त्या नीट ऐकतो.
¹⁸ मी पुष्कळ लढाया लढलो आहे.
    पण देवाने मला नेहमीच सोडविले व सुखरुप परत आणले.
¹⁹ देव माझ्या बोलण्याकडे लक्ष देतो.
    तो अनादि अनंत काळचा राजा मला मदत करेल.

माझे शत्रू त्यांचे जीवन बदलणार नाहीत.
    ते देवाला घाबरत नाहीत.
    आणि त्याला मान ही देत नाहीत.
²⁰ माझे शत्रू त्यांच्या मित्रांवर हल्ले करतात.
    ज्या गोष्टी करण्याचे त्यांनी कबूल केलेले असते त्या ते करत नाहीत.
²¹ माझे शत्रू गोड बोलण्यात पटाईत आहेत.
    ते शांतीविषयी बोलतात आणि प्रत्यक्षात मात्र युध्दाच्या योजना आखतात.
त्यांचे शब्द लोण्यासारखे मऊ असतात
    परंतु ते सुरीसारखे कापतात.

²² तू तुझ्या चिंता परमेश्वराकडे सोपव
    आणि तो तुझी काळजी घेईल.
    परमेश्वर चांगल्या लोकांचा कधीही पराभव होऊ देणार नाही.

²³ देवा, त्या खोटारड्या आणि खुनी माणसांना त्यांचे
    आयुष्य अर्धे राहिलेले असतानाच त्यांच्या थडग्यात पाठव
आणि माझे म्हणशील तर, माझा तुझ्यावर भरंवसा आहे.