स्तोत्रसंहिता 16

Marathi Bible: Easy-to-Read Version

⁴ परंतु जे लोक उपासनेसाठी दुसऱ्या देवाकडे वळतात त्यांना दु:ख भोगावे लागते.
    ते त्या मूर्तींना रक्ताची भेट देतात.
मी त्यात सहभागी होणार नाही.
    मी त्या मूर्तींची नावेसुध्दा घेणार नाही.
⁵ माझा वाटा आणि प्याला परमेश्वराकडूनच येतो.
    परमेश्वरा, तू माझा सांभाळ करतोस तुच मला माझा वाटा देतोस.
⁶ माझा वाटा फारच अद्भूत आहे
    माझे वतन सुंदर आहे.
⁷ मी परमेश्वराची स्तुती करतो कारण त्याने मला चांगले शिकवले रात्रीच्या वेळी मला
    अगदी आतल्या गाभ्यातून आज्ञा मिळाल्या.

⁸ मी परमेश्वराला नेहमी माझ्या पुढे ठेवतो
    आणि मी त्याची उजवी बाजू कधीही सोडणार नाही.
⁹ त्यामुळे माझे ह्रदय आणि माझा आत्मा आनंदीत राहील
    माझे शरीरही सुरक्षित असेल.
¹⁰ का? कारण परमेश्वरा, तू माझ्या आत्म्याला मृत्युलोकात राहू देणार नाहीस.
    तुझ्याशी इमानदार असणाऱ्याला तू थडग्यात सडू देणार नाहीस. ^[b]
11 तू मला नीट कसे जगावे ते शिकवशील परमेश्वरा,
    केवळ तुझ्या सान्निध्यात असणेही संपूर्ण समाधान देणारे असेल.
    तुझ्या उजव्या बाजूला राहण्याने कायमचे समाधान लाभेल.