स्तोत्रसंहिता 150

Marathi Bible: Easy-to-Read Version

150 परमेश्वराची स्तुती करा.

देवाची त्याच्या मंदिरात स्तुती करा.
    त्याच्या सामर्थ्याची स्वर्गात स्तुती करा.
² देव ज्या महान गोष्टी करतो त्याबद्दल त्याची स्तुती करा.
    त्याच्या सर्व मोठेपणाबद्दल त्याची स्तुती करा.
³ तुतारी आणि कर्णा वाजवून देवाचे गुणगान करा.
    सतारीवर आणि वीणेवर त्याचे गुणगान करा.
⁴ डफ वाजवून आणि नाचून देवाची स्तुती करा.
    तंतुवाद्यावर आणि बासरीवर त्याचे गुणगान करा.
⁵ जोर जोरात टाळ वाजवून देवाची स्तुती करा.
    झणझणणाऱ्या झांजांवर त्याचे गुणगान करा.

⁶ प्रत्येक जिवंत वस्तू परमेश्वराची स्तुती करो.

परमेश्वराची स्तुती कर.