यशया 55

Marathi Bible: Easy-to-Read Version

⁵ आता, काही राष्ट्रे कोठे आहेत हे तुम्हाला माहीत नाही.
    पण त्यांची आणि तुमची भेट होईल.
त्या राष्ट्रांना, तुम्ही माहीत नाही.
    पण ती राष्ट्रे तुमच्याकडे धाव घेतील.
परमेश्वराची, तुमच्या देवाची इच्छा असल्यामुळे हे असे घडून येईल.
    इस्राएलचा पवित्र देव तुमचा आदर करीत असल्याने हे असे होईल.
⁶ म्हणून फार उशीर होण्याआधी परमेश्वराला शोधा.
    तो जवळ असतानाच त्याला बोलवा.
⁷ दुष्टांनी दुष्टपणाने जगणे थांबवावे.
    त्यांनी वाईट विचार सोडून द्यावे.
त्यांनी परमेश्वराला शरण यावे.
    मग परमेश्वर त्यांचे दुख: हलके करील.
आमचा देव क्षमाशील आहे म्हणून
    त्यांनी परमेश्वराला शरण जावे.

¹⁰ “पाऊस वा बर्फ आकाशातून पडल्यावर पुन्हा आकाशात जात नाही
    तर तो जमीन भिजवितो, नंतर जमिनीतून रोपे अंकुरतात आणि वाढतात.
त्यापासून शेतकऱ्यांना बी मिळते आणि लोकांना धान्य मिळते.
    धान्याची लोक भाकरी करतात.
¹¹ तसेच माझ्या तोंडातून निघालेले शब्द परत येत नाहीत तर त्या शब्दाप्रमाणे गोष्टी घडतात.
    म्हणजेच माझे शब्द मला पाहिजे असलेल्या गोष्टी घडवून आणतात.
मी त्यांना ज्या गोष्टी करण्यासाठी पाठविलेले असते
    त्या गोष्टी करण्यात ते यशस्वी होतात.

¹² “माझे शब्द आनंदाने बाहेर जातील
    आणि शांती घेऊन येतील.
डोंगर आणि टेकड्या आनंदाने नाचू लागतील.
    शेतांतील झाडे आनंदाने टाळ्या वाजवतील. ^[a]
13 जेथे झुडुपे होती, तेथे देवदारू वाढतील.
    काट्याकुट्यांच्या जागी मेंदी उगवेल.
ह्या गोष्टी परमेश्वराला सुप्रसिध्द् करतील.
    ह्या गोष्टी म्हणजे परमेश्वराच्या सामर्थ्याचे पुरावे असतील.
    हे पुरावे कधीही नष्ट होणार नाहीत.”