A A A A A
Bible Book List

भजन संहिता 67Awadhi Bible: Easy-to-Read Version (ERV-AWA)

संगीत निदेर्सक बरे तारवालन बाजन क संग एक ठु भजन।

67 हे परमेस्सर, हम पइ करुणा करा, अउ हमका असीस द्या।
    आपन मुस्कुरात भवा चेहरा हमका दिखावा। [a]

एह बरे समूचइ संसार तोहार रास्ता सीखइ सकी
    अउर हर कउनो मनई तोहार इ जान सकइ कि तू कइसा आपन लोगन क रच्छा करत ह।
हे परमेस्सर, लोग तोहार गुण गावइँ।
    सबहिं लोग तोहार बड़कई करइँ।
सबहिं रास्ट्र आनन्द मनावइँ अउ आनन्द मँ भरा होइँ।
    काहेकि तू लोगन क निआउ निस्पच्छ करत अहा।
    अउर हर रास्ट्र पइ तोहार सासन अहइ।
हे परमेस्सर, लोग तोहार गुण गावइँ।
    सबहिं लोग तोहार बड़कई करइँ।
हमार भुइयाँ हमका भरपूर फसल देइ।
    परमेस्सर, हे हमरे परमेस्सर हमका असीस द्या।
हे परमेस्सर, हमका असीस द्या
    पृथ्वी क सबहिं लोग परमेस्सर स डेराइँ, ओकर आदर करइँ।

Footnotes:

  1. भजन संहिता 67:1 तोहार मुस्काुरात … दिखावा साब्दिक अरथ, “हम लोगन बरे ओकरे चेहरे पइ चमक होइ।”
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes