A A A A A
Bible Book List

भजन संहिता 36Awadhi Bible: Easy-to-Read Version (ERV-AWA)

संगीत निदेर्सक बरे यहोवा क दास दाऊद क एक पद।

36 बुरा मनई बहोत बुराई करत ह जब उ खुद स कहत ह,
    “मइँ परमेस्सर क आदर नाहीं करत हउँ अउ न ही डेरात हउँ।”
उ मनई खुद स झूठ बोलत ह।
    उ मनई खुद क आपन खोट नाहीं लखत।
    एह बरे उ छिमा नाहीं माँगत।
ओकर वचन सिरिफ बियर्थ अउ झूठा होत हीं।
    उ विवेकवाला नाहीं होत अउर न ही अच्छा काम सीखत ह।
राति क उ बिछउना मँ कुचक्र रचत ह।
    उ जागिके कउनो भी नीक काम नाहीं करत।
    उ कुकरम क तजई नाहीं चाहत।

हे यहोवा, तोहार बिस्ससनीय पिरेम अकासे स भी ऊँच बाटइ।
    हे यहोवा, तोहार सच्चाई बादर स भी ऊँच बाटइ।
हे यहोवा, तोहार धमीर् भावना सबन त ऊँची पर्वते स भी ऊँची बाटइ।
    तोहार सोभा गहिर सागर स भी गहिर अहइ।
हे यहोवा, तू मनइयन अउ गोरूअन क रच्छक अहा।
    तोहरी करुणा स जियादा मूल्यवान कछू भी नाहीं अहइ।
    मनई अउ दूत तोहरे सरण मँ आवा अहइँ।
हे यहोवा, तोहरे मन्दिर क उत्तिम बातन स उ सबइ नई सक्ती पावत हीं।
    तू ओनका आपन अद्भुत नदी क पानी क पिअइ देत अहा।
हे यहोवा, तोहसे जिन्नगी क झरना फूटत ह!
    तोहार जोति ही हमका प्रकास देखाँवत ह।
10 हे यहोवा, जउन तोहका सच्चाई स जानत हीं, ओनसे पिरेम करत रहा।
    ओन लोगन पइ तू आपन खुद क नेकी बरसावा जउन तोहरे बरे सच्चा अहइँ।
11 हे यहोवा, तू मोका घमण्डियन क जाल मँ जिन फँसइ द्या।
    दुट्ठ लोग मोका कबहुँ धइ न पावइँ।

12 ओनकर कब्रन क पाथरन पइ इ लिखि द्या:
“दुट्ठ लोग हिआँ पइ गिरेन ह।
    उ सबइ कुचर दीन्ह गएन।
    उ पचे फिन कबहुँ खड़ा नाहीं होइ पइहीं।”

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes