A A A A A
Bible Book List

भजन संहिता 16Awadhi Bible: Easy-to-Read Version (ERV-AWA)

दाऊद क एक गीत।

16 हे परमेस्सर, मोर रच्छा करा, काहेकि मइँ तोहे पइ निर्भर अहउँ।
मोर यहोवा स निवेदन अहइ, “यहोवा, तू मोर सुआमी अहा।
    मोरे लगे जउन कछू उत्तिम अहइ
    उ सबइ तोहसे ही अहइ।”
यहोवा आपन लोगन क धरती पइ अद्भूत काम करत ह।
    यहोवा इ देखाँवत ह कि
    उ फुरइ ओनसे पिरेम करत ह।

मुला जउन दूसर देवतन क पाछे ओनकर पूजा बरे परात हीं, उ पचे दुःख उठइहीं।
    ओन मूत्तिर्यन क जउन रकत अर्पण कीन्ह गवा, ओनकर ओन बलियन मँ मइँ हीसंा नाहीं लेब।
    मइँ ओन मूरतियन क नाउँ तलक नाहीं लेब।
नाहीं, बस मोर हींसा यहोवा मँ अहइ।
    बस यहोवा स ही मोर अंस अउर मोर पात्र आवत ह।
    हे यहोवा मोका सहारा द्या अउर मोर हींसा द्या।
मोर हींसा बहोतइ अद्भुत अहइ।
    असल मँ मोरे लगे बहोत स सुन्नर उत्तराधिकार अहइ।
मइँ यहोवा क गुण गावत हउँ काहेकि उ मोका गियान दिहस।
    मोरे अन्तर्मन स राति मँ सिच्छन निकरिके आवत हीं।

मइँ यहोवा क सदा ही आपन सम्मुख राखत हउँ।
    मइँ ओकर दाहिने छोर
    कबहुँ नाहीं छोड़ब। [a]
इहइ स मोर मन अउर मोर आतिमा बहोतइ आनन्दित होइ
    अउर मोरी देह तलक सुरच्छित रही।
10 काहेकि, यहोवा, तू मोर प्राण कबहुँ भी मउत क जगह मँ न तजी।
    तू आपन वफ़दार क कब्र मँ सड़इ नाहीं देब्या।
11 तू मोका जिन्नगी क राह देखउब्या
    जउन मोका तोहार मौजूदगी मँ पूरा आनन्द देत ह।
    तोहार दाहिन कइँती होब मोका सदा सदा ही आनन्द देइ।

Footnotes:

  1. भजन संहिता 16:8 मइँ … छोड़ब जहाँ मोका नाहीं हिलावइ जाइ सकी काहेकि उ मोर दहिने ओर बाटइ।
Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes