A A A A A
Bible Book List

भजन संहिता 148Awadhi Bible: Easy-to-Read Version (ERV-AWA)

148 यहोवा क बड़कई करा।

    ओकर बड़कई सरग स करा।
हे सबहिं सरगदूतो, यहोवा क जस गावा।
    ग्रहो अउ नछत्रो ओकर गुण गान करा।
सूरज अउ चाँद, तू पचे यहोवा क गुण गावा।
    अकासे क तारो अउ जेातियो, ओकर बड़कई करा।
यहोवा क बड़कई सबन त ऊँच पर्वत मँ करा!
    हे जल अकासे क ऊपर, ओकर बड़कई करा।
यहोवा क नाउँ क बड़कई करा।
    काहेकि उ आदेस दिहस, अउर सब कछू रचे रहा।
उ ऍन सबन्क बनाएस एह बरे उ सबइ सदा-सदा बना रहइँ।
    उ अपरिवर्तनसील कानून बनाएस।
ओ धरती पइ क हर वस्तु, यहोवा क गुण गावा।
    ओ बिसाल जन्तुओ अउ सबइ महासागरो, ओकर गुण गावा।
आगी अउ ओलन, बरफ अउ कुहासा, तूफानी पवन
    जउन ओकर वचन क पूरा किहेन, ओकर गुण गावा।
पर्वतन अउ सबइ पहाड़न,
    फलदार बृच्छ अउ देवदार क बृच्छ, ओकरे गुण गावा।
10 बनेर पसुअन अउ सब पालतु मवेसी, रेंगइवाले जीव अउ पंछियन, ओकर गुण गावा।
11 धरती क सबहिं राजा लोग अउ सबइ रास्ट्रन,
    प्रमुखन अउ धरती पइ क सबहिं निआवाधीसन, ओकर स्तुति करा।
12 नव जवान मनसेधू अउ नव जवान मेहरारू, ओकर स्तुति करा।
    परमेस्सर बूढ़े लोगन अउ गदेलन क रचेस ह।
13 ओनका यहोवा क नाउँ क स्तुति करइ द्या।
    अकेल्ले ओकरे नाउँ ही ऊँच सम्मानित अहइ।
धरती अउ अकास
    ओकर चमक-दमक स भरि जाइहीं।
14 उ आपन लोगन क मजबूती क स्रोत क निर्माण किहेस।
    उ आपन सबइ भगतन अरथ इस्राएलियन,
अउ ओकरे समीप रहइवाले रास्ट्रन बरे, स्तुति क स्रोत क निर्माण किहेस।

यहोवा क बड़कई करा।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes